تۇعىرلى تاۋەلسىزدىكتىڭ ەڭ ۇلكەن جەتىستىكتەرىنىڭ ءبىرى – قانداستارىمىزدىڭ ەلگە ورالۋى. جىلدار بويى تۋعان جەرىنەن جىراقتا ءجۇرىپ، ەلىن اڭساپ كەلگەن حالىققا قۇشاعىن كەڭ جايىپ، جاعدايىن جاساعان قازاقستانعا ولاردىڭ ايتار العىسى شەكسىز. 15 جىل بۇرىن سونداي ۇلى كوشتىڭ ءبىرى شىمقالاداعى اسار شاعىناۋدانىنان قونىس تەپكەن بولاتىن.

تاعدىردىڭ تالكەگىمەن شەت ەل اسىپ، وزگە مەملەكەتتى پانالاۋعا ءماجبۇر بولعان قانداستارىمىزدى اتاجۇرت – قازاقستانعا شاقىرۋ تاۋەلسىزدىك العان جىلدارداعى ەڭ اۋقىمدى باستامالاردىڭ ءبىرى بولدى. بۇگىنگە دەيىن قازاقتىڭ ميلليوننان استام بالاسى ەلگە ورالعان.

بۇل باعىتتا ءۇشىنشى مەگاپوليستە دە كوپتەگەن شارالار جۇزەگە استى. 2006 جىلى «نۇرلى كوش» باعدارلاماسى اياسىندا وزبەكستاننان ورالعان 2000 قازاق وتباسى شىمكەنتتەن قونىس تاۋىپ، جاپ-جاڭا «اسار» اتتى شاعىناۋداننىڭ ىرگەسى قالاندى. كىندىك قانى تامعان جەرىن اڭساپ كەلگەن اعايىنعا ارنالىپ بارلىق قولداۋ كورسەتىلدى. باسپانا، الەۋمەتتىك كومەك، جۇمىسپەن قامتۋ، بالالاردى مەكتەپ پەن بالاباقشامەن قامتاماسىز ەتۋ سىندى شارالار اتقارىلدى.

بۇگىندە اساردىڭ حالقى 25 مىڭعا جۋىقتايدى. شاعىناۋداندا 2 ءبىلىم ورداسى مەن 3 بوبەكجاي جۇمىس ىستەيدى. سونداي-اق، بىرنەشە مەديسينالىق مەكەمە حالىق يگىلىگى ءۇشىن قىزمەت ەتەدى. ءبىر شاڭىراق استىندا تاتۋ ءتاتتى عۇمىر كەشكەن تۇرعىندار باستى بايلىق - تاۋەلسىزدىك، باستى ۇرىن - بىرلىك دەپ بىلەدى. اسىرەسە، اتاقونىستىڭ ءقادىرىن جاقسى بىلگەن قارت كىسىلەر ەلدىڭ تىنىشتىعىن تىلەۋدەن جاڭىلمايدى.

ايتىپ وتەيىك، تاۋەلسىزدىك جىلدارى ەلگە 1 ميلليونعا جۋىق قانداسىمىز ورالعان. ونىڭ 60 پايىزعا جۋىعى وزبەكستاننان كەلگەن وتانداستارىمىز. قالعانى جۇڭگو، موڭعوليا، رەسەي جانە تۇركىمەنستاننان ورالعان قازاقتار.