شىمكەنت قالالىق ءماسليحات دەپۋتاتتارى، «Nur Otan» پارتياسى فراكسياسىنىڭ مۇشەلەرى نارگيزا كەرىمبايەۆا مەن ايجان نايمبەكوۆا اۋدان اكىمى ابزال اليكۋلوۆپەن بىرگە قاراتاۋ اۋدانىندا اتقارىلعان جۇمىستاردىڭ ساپاسىن تەكسەردى.

نۇرسات تۇرعىن الابىنداعى ورتالىق كوشەلەردەگى جاسىل-جەلەكتەردى كۇتىپ ۇستاۋ جۇمىستارىن «بيۋلدستروي» ج ش س مەردىگەرلىك مەكەمەسى جاساۋدا. كوگالداندىرۋ جۇمىستارى جوعارعى ساپادا جاسالىپ، اۆتوماتتى تۇردە سۋارۋ مۇمكىندىگى قاراستىرىلعان جانە وتىرعىزىلعان كوشەتتەر جايقالىپ تۇر.كەمشىلىكتەرى: بالالارعا ارنالعان ويىن الاڭىنداعى قورشاۋلار، سىرعاناقتارعا وتە جاقىن ورنالاسقان. بۇل ويىن كەزىندە جاراقاتقا اكەلۋى مۇمكىن. وسى سەبەپتەن قورشاۋلاردىڭ ورنىن اۋىستىرۋ كەرەكتىگى ەسكەرتىلدى.

قايناربۇلاق ساياجايى، №83 جوم جانىنداعى جەر تەلىمىنە، قاراتاۋ اۋدانى اكىمى اپپاراتى تاراپىنان مەملەكەتتىك اكت بەرىلىپ، شىمكەنت قايىرىمدى قالا دەمەۋشىلەر ەسەبىنەن جاتتىعۋ ەلەمەنتتەرى مەن اشىق سپورت الاڭشاسى سالىندى. مەردىگەر مەكەمە «فەرروتەكس» ج ش س.

مۇندا مەكتەپتىڭ اۋلاسىندا قۋراي ءوسىپ، قوقىس جاشىكتەرى ورناتىلماعان جانە بالالار سۋدى دالاداعى باعانادان ىشۋگە ءماجبۇر. بۇل تەز شەشىلۋ كەرەك ماسەلە ەكەنى ايتىلىپ، ناقتى تاپسىرمالار جۇكتەلدى. اتالعان جۇمىستار ۇنەمى پارتيا باقىلاۋىندا.