قاسىم-جومارت توقايەۆ جاپونيانىڭ بۇرىنعى پرەمەر-مينيسترى سيندزو ابەگە قاستاندىق جاسالۋىنا الاڭداۋشىلىق ءبىلدىرىپ، الەۋمەتتىك جەلىدە جازبا جاريالادى.
"جاپونيانىڭ بۇرىنعى پرەمەر-مينيسترى سيندزو ابەگە جاسالعان قاستاندىقتى قازاقستان جۇرتشىلىعى اۋىر قابىلداپ، الاڭداۋشىلىق ءبىلدىرىپ جاتىر. بەلگىلى ساياساتكەردىڭ تەزىرەك ساۋىعىپ، وتباسىنا ورالۋىنا تىلەكتەستىك بىلدىرەمىن" دەپ جازدى توقايەۆ Instagram پاراقشاسىنا.
بۇگىن جاپونيانىڭ بۇرىنعى پرەمەر-مينيسترى، ليبەرال-دەموكراتيالىق پارتيانىڭ بۇرىنعى ليدەرى سيندزو ابەگە قاستاندىق جاسالعان. ەكس-شەنەۋنىكتىڭ جاعدايى اۋىر.
ابە ليبەرال-دەموكراتيالىق پارتيا اتىنان جوعارعى پالاتاعا ۇمىتكەردى قولداۋ ءىس-شاراسىنا قاتىسىپ، جۇرت الدىندا سويلەپ تۇرعان. Kyodo News ءتىلشىسى ەر ادام اتپاس بۇرىن ابە سويلەپ تۇرعاندا جانىنا جاقىنداپ، ءۇنسىز باقىلاپ تۇرعانىن كورگەن.
ابەنى كەۋدە تۇسىنان ەكى رەت اتقان. كۇدىكتى وقيعا ورنىندا ۇستالدى. ول تەسۋيا ياماگامي قالاسىنىڭ 41 جاستاعى تۇرعىنى ەكەنى، بۇرىن تەڭىز كۇشتەرىندە قىزمەت ەتكەنىن حابارلاندى.
پىكىر قالدىرۋ