رەسەي پرەزيدەنتىنىڭ باسپا ءسوز حاتشىسى دميتريي پەسكوۆ كرەمل قازاقستان پرەزيدەنتى ق.توقايەۆتىڭ كاسپيي قۇبىر جەلىسى كونسورسيۋمى جۇمىسى توقتاعاننان كەيىن، ەكسپورتتىڭ بالاما مارشرۋتىن دامىتۋدى تاپسىرۋىنان ساياسي استار كورمەيتىنىن ءمالىم ەتتى. بۇل تۋرالى ول kommersant.ru باسىلىمىنا ايتتى.

5 شىلدەدە رەسەيدىڭ نوۆوروسسييسك سوتى ەكولوگيالىق بۇزۋشىلىقتارعا بايلانىستى قازاقستان مۇنايىن ەكسپورتتايتىن نەگىزگى باعىت كقك-نىڭ جۇمىسىن 1 ايعا توقتاتۋ تۋرالى شەشىم قابىلداعان.

وسىعان وراي بۇگىن قازاقستان پرەزيدەنتى كولىك-ترانزيت الەۋەتىن دامىتۋ جونىندەگى كەڭەستە مۇناي تاسىمالداۋ جەلىلەرىن ءارتاراپتاندىرۋ ماسەلەسىنىڭ ماڭىزىنا توقتالىپ، قازمۇنايگاز" ۇلتتىق كومپانياسىنا ونى جۇزەگە اسىرۋ ماسەلەسىن قاراستىرۋدى تاپسىرعان.

– ترانسكاسپيي باعدارى باسىم باعىت سانالادى. "قازمۇنايگازعا" ونى جۇزەگە اسىرۋدىڭ وڭتايلى نۇسقاسىن، سونىڭ ىشىندە تەڭىز جوباسىنىڭ ينۆەستورلارىن تارتۋ مۇمكىندىگىن پىسىقتاۋدى تاپسىرامىن. ۇكىمەت "سامۇرىق-قازىنامەن" بىرلەسىپ، اتىراۋ – كەڭقياق جانە كەڭقياق – قۇمكول مۇناي قۇبىرلارىنىڭ قۋاتىن ارتتىرۋ جونىندە شارالار قابىلداۋى قاجەت، – دەدى توقايەۆ جيىندا.