ساۋدا جانە ينتەگراسيا ءمينيسترى باقىت سۇلتانوۆ قىزمەتىنەن كەتتى.
"مەملەكەت باسشىسىنىڭ جارلىعىمەن باقىت تۇرلىحان ۇلى سۇلتانوۆ قازاقستان رەسپۋبليكاسى پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى لاۋازىمىنان بوساتىلدى" دەلىنگەن اقوردانىڭ باسپا ءسوز قىزمەتى تاراتقان اقپاراتتىق حابارلامادا.
بۇعان دەيىن پرەزيدەنت باقىت سۇلتانوۆقا قانت تاپشىلىعى، ودان تۋعان قىمباتشىلىققا جول بەرگەنى ءۇشىن سوگىس جاريالاعان.
ساۋدا جانە ينتەگراسيا مينيسترلىگىن ۋاقىتشا باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين باسقارادى.
پىكىر قالدىرۋ