ق ر باس مەملەكەتتىك سانيتاريالىق دارىگەرى قىزمەتىن اتقارعان ەرلان قياسوۆ جاڭا لاۋازىمعا تاعايىندالدى. بۇل تۋرالى ۇلتتىق ساراپتاما ورتالىعى رەسمي سايتىندا حابارلادى.
"ەرلان قياسوۆ قازاقستان رەسپۋبليكاسى دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتى ۇلتتىق ساراپتاما ورتالىعىنىڭ باسقارما ءتوراعاسى بولىپ تاعايىندالدى"، دەلىنگەن حابارلامادا.
ەرلان قياسوۆ 1973 جىلى الماتى قالاسىندا دۇنيەگە كەلگەن. قازممۋ، ورتالىق ازيا ۋنيۆەرسيتەتىن، ءال-فارابي اتىنداعى قازۇۋ، «تۇران-استانا» ۋنيۆەرسيتەتىن بىتىرگەن.
ەڭبەك جولىن 1990 جىلى الماتى قالاسىنداعى «جەدەل جاردەم اۋرۋحاناسىنىڭ» جانساقتاۋ بولىمىندە سانيتار بولىپ باستادى.
1997-1999 جج. الماتى قالاسىنداعى قازاقستان رەسپۋبليكاسىنىڭ اۋە كولىگى ورتالىق سانيتاريالىق-ەپيدەميولوگيالىق ستانسياسىنىڭ سانيتار دارىگەرى، ەپيدەميولوگى بولىپ ەڭبەك ەتتى.
1999 جىلدان 2020 جىلعا دەيىن قازاقستان رەسپۋبليكاسى پرەزيدەنتى ءىس باسقارماسىنىڭ مەديسينالىق ورتالىعىنىڭ قۇرىلىمىندا – سانيتاريالىق-ەپيدەميولوگيالىق ستانسياسىنىڭ جالپى گيگيەنا بويىنشا دارىگەرى، جەدەل ءبولىم مەڭگەرۋشىسى، سانيتاريالىق-ەپيدەميولوگيالىق قاداعالاۋ باسقارماسى ەپيدەميولوگيالىق ءبولىمنىڭ مەڭگەرۋشىسى، «سانيتاريالىق-ەپيدەميولوگيالىق ساراپتاما ورتالىعى» رمك ديرەكتورى، ق ر پرەزيدەنتى ءىس باسقارماسى مەديسينالىق ورتالىعى مەڭگەرۋشىسىنىڭ ورىنباسارى بولدى.
2020-2022 جج. قازاقستان رەسپۋبليكاسى دەنساۋلىق ساقتاۋ ۆيسە-مينيسترى – قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى قىزمەتىن اتقاردى.
پىكىر قالدىرۋ