ەلنۇر بەيسەنبايەۆ سابىرجان ۇلى، 1986 جىلى 27 ماۋسىمدا تۇركىستان وبلىسى كەنتاۋ قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگىمىن. ساياساتتانۋشى، الەۋمەتتىك عىلىمدار ماگيسترى.

ەڭبەك جولىن «جاستار ءۇنى» جاستار قوعامدىق ۇيىمىندا مامان رەتىندە باستاپ، كەيىننەن 2009 جىلى ءتوراعا بولىپ تاعايىندالعان.

2012-2015 جىلدارى تاريح ءپانىنىڭ ءمۇعالىمى، قازاقستان كوممۋنيستىك حالىق پارتياسىنىڭ الماتى قالالىق فيليالىندا يدەولوگيا جانە ناسيحات جونىندەگى حاتشى قىزمەتتەرىن قوسا اتقارعان.

2016 جىلدان 2017 جىلعا دەيىن الماتى قالاسى اكىمدىگىنىڭ جاستار جوبالارى جانە ۇيىمداستىرۋ جۇمىستارى ءبولىمىنىڭ باسشىسى، جاستار ساياساتى ماسەلەلەرى باسقارماسىنىڭ باسشىسى لاۋازىمدارىندا ەڭبەك ەتكەن.

2017 جىلى 28ء-شى دۇنيەجۇزىلىك قىسقى ۋنيۆەرسيادانى وتكىزۋ بارىسىندا 3 000 ۆولونتەر جۇمىسىن ۇيىمداستىرىپ، ولارعا باسشىلىق ەتتى.

2017 جىلدان 2018 جىلعا دەيىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاربيە جۇمىسى دەپارتامەنتىنىڭ ديرەكتورى بولىپ جۇمىس اتقاردى.

2019 جىلى نۇر-سۇلتان قالاسى اكىمىنىڭ الەۋمەتتىك ماسەلەلەر جونىندەگى كەڭەسشىسى بولدى.

2020 جىلى «Nur Otan» پارتياسى جانىنداعى «Jas Otan» جاستار قاناتىنىڭ ءتوراعاسى بولىپ سايلاندى.

2021 جىلدان بەرى VII سايلانعان پارلامەنت ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى.