ماجىلىستە قاڭتار وقيعاسىن تەرگەۋ بارىسى تۋرالى قوعامدىق تىڭداۋ وتەدى. بۇل تۋرالى پالاتا ءتوراعاسى ەرلان قوشانوۆ ءمالىم ەتتى.

"قاڭتار وقيعاسىنا" تۋرا ءبىر جىل تولىپ وتىر. بۇل جاعداي ەلىمىز ءۇشىن تاۋەلسىزدىك جىلدارىنداعى ەڭ اۋىر سىناق بولدى. قاڭتارداعى قايعىلى وقيعالاردىڭ جاراسى دا، سالدارى دا جەڭىل بولعان جوق. سوندىقتان، حالقىمىز دا، قوعام دا ول تۋرالى جان جاقتى ءارى اشىق اقپارات العىسى كەلەدى. مەملەكەتتىڭ ءوزى سوعان مۇددەلى. سەبەبى، پرەزيدەنت ايتقانداي، حالىقتان جاسىراتىن ەشتەڭە بولماۋى ءتيىس، قوعام شىندىققا كوز جەتكىزۋى كەرەك. وسى رەتتە، پارلامەنت ءماجىلىسى بولعان وقيعانىڭ ءمان-جايىن، تەرگەپ-تەكسەرۋ بارىسىن ۇنەمى باقىلاۋدا ۇستاپ كەلە جاتقانىن بىلەسىزدەر. وتكەن جىلى مەملەكەتتىك جانە قۇقىق قورعاۋ ورگاندارىمەن بىرگە اشىق تالقىلاۋلار وتكىزدىك. سول تالقىلاۋلار بارىسىندا ءبىراز ماسەلەگە ناقتى جاۋاپ بەرىلدى. دەگەنمەن، ەل اراسىندا قاڭتارعا قاتىستى ءالى دە سۇراقتار جەتكىلىكتى. وتكەن ءبىر جىلدىڭ ىشىندە قوعامدا ءتۇرلى پىكىرلەر، قيلى قاۋەسەتتەر تاراۋمەن بولدى. سوندىقتان، وسى ءبىر جىلدىڭ ىشىندە جۇرگىزىلگەن تەرگەۋ امالدارىنىڭ ناتيجەلەرىن اشىق جاريالاۋ ءۇشىن، 2023 جىلعى 5 قاڭتاردا ءماجىلىس قابىرعاسىندا ارنايى تىڭداۋ وتەدى" دەدى قوشانوۆ Facebook پاراقشاسىندا.

ءماجىلىس ءتوراعاسىنىڭ سوزىنشە، تىڭداۋدا باس پروكۋرور مەن قۇقىق قورعاۋ ورگاندارى باسشىلارى ەسەپ بەرەدى. قوعام بەلسەندىلەرى، ب ا ق وكىلدەرى قاتىسادى.

ارنايى وتىرىس رەسپۋبليكالىق «حابار 24» تەلەارناسىندا جانە ءماجىلىستىڭ سايتىندا، الەۋمەتتىك جەلىلەردەگى رەسمي پاراقشالارىندا تىكەلەي ەفيردە كورسەتىلەدى.