رىسبەك سارسەنباي ۇلىنىڭ ۇستىنەن ءىس قوزعالدى. قوعام بەلسەندىسىنە 488-باپ، 7-بولىگى "بەيبىت جيىن وتكىزۋ ءتارتىبىن بۇزۋ" بويىنشا ايىپ تاعىلعان.
ونىڭ ۇستىنەن حاتتاما تولتىرىلىپ، ءىس سوتقا جولداندى. بۇعان دەيىن، قوعام بەلسەندىلەرى مۇحتار تايجان مەن ءالنۇر يلياشيەۆ، جۋرناليست لۇقپان احمەدياروۆ قاماۋعا الىنعان بولاتىن.
ەسكە سالا كەتسەك، رىسبەك سارسەنباي ۇلى، مۇحتار تايجان جانە تاعى دا باسقا ءبىر توپ بەلسەندى باستاعان حالىقتىق پارتيا ۇيىمى 9 ساۋىردە سايلاۋ ناتيجەسىنە قارسى ميتينگ وتكىزدى. ميتينگ وتكىزۋگە جەرگىلىكتى بيلىك رۇقسات بەرمەگەن. الايدا رىسبەك سارسەنباي ۇلى بۇكىل جاۋاپكەرشىلىكتى ءوز موينىنا الاتىنىن حابارلاعان ەدى.
كەشە سوت مۇحتار تايجاندى "بەيبىت جيىن زاڭىن بۇزعانى ءۇشىن" 15 كۇنگە قامادى. ال لۇقپان احمەدياروۆتىڭ ءىسى بويىنشا حاتتاما تولتىرىلىپ، ءىس سوتقا جىبەرىلگەن بولاتىن.
پىكىر قالدىرۋ