قازاقستان مەن جۇڭگو ءوزارا ۆيزاسىز رەجيم ەنگىزبەك. ءتيىستى قاۋلى جوباسىن سىرتقى ىستەر مينيسترلىگى دايىنداعان.
قۇجاتقا سايكەس، قازاقستاندىقتار قىتايدا، ال جۇڭگو ازاماتتارى قازاقستان اۋماعىندا شەكارادان وتكەن ساتتەن باستاپ 30 كۇننەن جانە 180 كۇندىك مەرزىمدە 90 كۇننەن اسپايتىن مەرزىمدە ۆيزاسىز جۇرە الادى.
قازاقستاندىقتار ءۇشىن جارامدى جول ءجۇرۋ قۇجاتتارى:
قازاقستان رەسپۋبليكاسى ازاماتىنىڭ ءتولقۇجاتى؛
قازاقستان رەسپۋبليكاسىنا قايتارۋ تۋرالى كۋالىك.
جۇڭگو ازاماتتارى ءۇشىن:
جۇڭگو ازاماتىنىڭ جارتىلاي قىزمەتتىك ءتولقۇجاتى؛
جۇڭگو ازاماتىنىڭ ءتولقۇجاتى؛
ۋاقىتشا جول ءجۇرۋ قۇجاتى.
قاۋلى جوباسىندا كەلىسىمگە پرەزيدەنت قاسىم-جومارت توقايەۆتىڭ 2023 جىلعى 18-19 مامىردا سيان قالاسىندا قىتايعا مەملەكەتتىك ساپارى اياسىندا قول قويىلاتىنى اتالىپ وتكەن.
پىكىر قالدىرۋ