ەۋروپارلامەنتتە ۋكراينا ساياساتكەرى قازاقستان تۋرالى ايتتى.
الەكسەي گونچارەنكو ءوز سوزىندە ۋكراينا سياقتى تاعى ءبىر ەلدىڭ رەسەي باسقىنشىلىعىنان زارداپ شەككەنىن قالامايتىنىن جەتكىزدى.
"ءقازىر رەسەي قازاقستانعا اقپاراتتىق شابۋىل جاساپ جاتىر. بولاشاقتا ۋكراينادا بولعان جاعداي قايتالانباۋى ءۇشىن بۇل جايلى بۇگىن ايتۋىمىز كەرەك، قازاق حالقىنا بۇگىن كومەكتەسۋىمىز كەرەك. كۇن سايىن رەسەي "سولتۇستىك قازاقستان رەسەيدىڭ ءبىر بولىگى، سول جاقتاعى ءورىستىلدى ازاماتتاردى قورعاۋ كەرەك" دەپ پروپوگاندا جۇرگىزىپ جاتىر. كەزىندە گيتلەر دە "نەمىستىلدى ازاماتتاردى قورعاۋ كەرەك" دەگەن جەلەۋمەن سوعىس باستاعان" – دەدى ۋكراينا ساياساتكەرى.
سونىمەن قاتار، ول ءپۋتيننىڭ ارەكەتىن سىنعا الدى.
"پۋتين ءورىستىلدى ازاماتتاردى قورعاماقشى ەكەن. شىندىعىندا ءورىستىلدى ازاماتتاردى كوپ بولىگى رەسەيدە ءومىر سۇرەدى. سول ءورىستىلدى ازاماتتاردى قىرىپ جاتقان – ءپۋتيننىڭ ءوزى. ءقازىر ول قازاقستانعا كوز الارتىپ وتىر. ءبىز قازاقستاننىڭ تاۋەلسىزدىگى مەن ەركىندىگىن ساقتاۋعا كومەكتەسۋمىز كەرەك. ايتپەسە ۋكرايناداعى جاعداي تاعى دا قايتالانادى" – دەپ مالىمەدى الەكسەي گونچارەنكو.
پىكىر قالدىرۋ