قازاقستاندا نۇرسۇلتان نازاربايەۆقا ءتىل تيگىزگەنى ءۇشىن جازاعا تارتاتىن قىلمىستىق جاۋاپكەرشىلىك جويىلادى. دەپۋتاتتار اتالعان باپتاردى جوياتىن زاڭنامانى سايكەستەندىرىپ جاتىر.
بۇدان بىلاي قازاقستاندا تۇڭعىش پرەزيدەنتە ءتىل تيگىزۋ قىلمىس بولىپ سانالماۋى مۇمكىن. قىلمىستىق كودەكستەن وعان ءتىل تيگىزگەنى ءۇشىن جاۋاپقا تارتاتىن 373 جانە 374 باپتار الىنىپ تاستالادى.
ءماجىلىس دەپۋتاتى سنەجاننا يماشيەۆانىڭ مالىمدەۋىنشە، بۇل تۇزەتۋلەر اكتيۆتەردى وتەۋ تۋرالى زاڭ جوباسىنىڭ كىرەدى.
"مۇنداي تۇزەتۋلەر قاراستىرىلعان. اكتيۆتەردى قايتارۋ تۋرالى زاڭ جوباسى اياسىنداعى ىلەسپە قۇجاتتا جاۋاپكەرشىلىكتى الىپ تاستايتىن نورما بار. بۇل قادامدار كونستيتۋسيادا قابىلدانعان تۇزەتۋ اياسىندا ەسكەرىلگەن. كونستيتۋسيادا ەلباسى جانە ونىڭ وكىلەتتىكتەرى تۋرالى كورسەتىلمەگەن، سوندىقتان بۇل باپتار قىلمىستىق كودەكستە قاجەت ەمەس. ويتكەنى، ەلباسى دەگەن مارتەبە قاراستىرىلماعان جانە قىلمىستىق جاۋاپكەرشىلىك ەندى بولمايدى ءارى قولدانىلمايدى"، – دەدى يماشيەۆا.
پارلامەنت شەتەلدەن اكتيۆتەردى قايتارۋعا قاتىستى زاڭ جوبالارىنىڭ بارلىق پاكەتىن قابىلداعان كەزدە بۇل باپتار الىنىپ تاستالادى.
پىكىر قالدىرۋ