الماتىدا "حالىققا قاتىسۋ بيۋدجەتى" جوباسى اياسىندا ۇزدىك ۇسىنىستارعا داۋىس بەرۋ اياقتالدى، دەپ حابارلايدى Qamshy.kz اقپارات اگەنتتىگى. 

الماتى قالاسىنىڭ اكىمدىگى باسپا ءسوز قىزمەتى حابارلاعانداي، داۋىس بەرۋ قورىتىندىسى بويىنشا اعىمداعى جىلى ىسكە اسىرۋعا 195 جوبا جىبەرىلدى:

اۋەزوۆ اۋدانى-18؛
الاتاۋ – 17؛
المالى – 31؛
بوستاندىق – 23؛
جەتىسۋ – 18؛
مەدەۋ – 14؛
ناۋرىزباي – 16؛
تۇركسىب – 58.

داۋىس بەرۋ بارىسىندا بارلىعى 81 مىڭنان استام داۋىس بەرىلدى (81 707)، بۇل 2022 جىلمەن سالىستىرعاندا 22% - عا ءوستى (63 547). ەڭ كوپ قالا تۇرعىندارى داۋىس بەرگەن ەڭ جاقسى باستامالار تىزىمىنە كەلەسى جوبالار كىردى:

– نۇركەنت، 63 شاعىناۋدانىنداعى بالالار الاڭىن جوندەۋ، الاتاۋ اۋدانى (شاحمات جانە تەننيس ۇستەلدەرى، بەسەدكا، كارۋسەل) ؛

–  جامبىل كوشەسى، 47/160 جانە تولەبايەۆ كوشەسى، 156، مەدەۋ اۋدانى ۇيلەرىنىڭ اۋلا اۋماعىن اباتتاندىرۋ (بەسەدكا، اتكەنشەك، سپورت الاڭى، ورىندىقتار، تەننيس ۇستەلى)؛

–  شيەۆچەنكو كوشەسى، 129، المالى اۋدانى بويىنشا "اۋلا-باق" جوباسىن ىسكە اسىرۋ (بۇتالار-قورشاۋ، گۇلزارلار، كوگالدار، ورىندىقتار، ترەناجەرلەر، ويىن ايماعى)؛ * اۋەزوۆ اۋدانى، 9 شاعىناۋدانىندا يتتەردى سەرۋەندەتۋگە ارنالعان الاڭ، 20 (سەرۋەندەۋگە ارنالعان قۇرىلىمدىق ەلەمەنتتەر، سناريادتار) ؛

–  ۇلكەن الماتى وزەنى بويىنداعى دۋلاتي كوشەسىندەگى جاياۋ جۇرگىنشىلەر ايماعىن اباتتاندىرۋ، بوستاندىق اۋدانى؛

–  جەتىسۋ اۋدانى، كرىجيسكيي كوشەسى، 7 جانە ستانيسلاۆسكيي كوشەسى، 164 بويىنشا بالالار جانە سپورت الاڭدارىن سالۋ؛

–  اباي داڭعىلى مەن ءاشىموۆ كوشەسى، ناۋرىزباي اۋدانى بويىنشا ماف جانە تىك كوگالداندىرۋ نىساندارىن ورناتۋ؛

–  تۇركسىب اۋدانى، گەتە كوشەسى، 17، №17 جببم اۆتوتۇراق سالۋ.

داۋىس بەرۋ ناتيجەلەرى جانە ءاربىر جوبا بويىنشا جينالعان داۋىستار سانى بار حاتتامالار پورتالدا جاريالاندى budget.open-almaty.kz "جوبالار بويىنشا ماتەريالدار" بولىمىندە (اشىلمالى مازىردەن 2023 جىلدى تاڭداڭىز). ءاربىر اۋدان بولىنىسىندە ەڭ كوپ داۋىس جيناعان جوبالار اعىمداعى جىلى ءاربىر اۋدان ءۇشىن ءليميتتى (875 ملن تەڭگە) ەسكەرە وتىرىپ، داۋىستاردىڭ كەمۋ تارتىبىمەن (جوباعا كەمىندە 50 داۋىس) ىسكە اسىرىلاتىن بولادى. داۋىستار تەڭ بولعان كەزدە جوبالارعا داۋىس بەرۋ قورىتىندىلارى تۋرالى حاتتامادا بىردەي پوزيسيا بەرىلەدى.

ەستەرىڭىزگە سالا كەتەيىك، "حالىققا قاتىسۋ بيۋدجەتى" جوباسى اياسىندا قالالىق ورتانى دامىتۋ بويىنشا وتىنىمدەردى قابىلداۋ 2023 جىلدىڭ ناۋرىز ايىندا باستالدى، قالا تۇرعىندارىنان 897 ءتۇرلى ۇسىنىس ءتۇستى. باستامالاردىڭ باسىم بولىگى اۋەزوۆ (162)، ناۋرىزباي (126) جانە جەتىسۋ (120) اۋداندارىنىڭ تۇرعىندارىنان كەلىپ ءتۇستى.

"حالىق قاتىسۋى بيۋدجەتى" جوباسى ىسكە قوسىلعان ساتتەن باستاپ بەس جىل ىشىندە العاش رەت 2023 جىلدىڭ ەكىنشى جارتىجىلدىعىندا الماتى تۇرعىندارىنان وتىنىمدەردى قابىلداۋدىڭ ەكىنشى سيكلى باستالاتىنىن قوسىمشا حابارلايمىز. ەكىنشى سيكل شەڭبەرىندە ەڭ كوپ داۋىس جينايتىن جوبالار كەلەسى جىلى ىسكە اسىرىلاتىن بولادى"، - دەپ تولىقتىردى ۆەدومستۆو.