حالىق اراسىندا "ديكيي ارمان" اتىمەن تانىمال ارمان جۇماگەلدييەۆتى تۇتقىنعا الۋ مەرزىمى 7 تامىزعا دەيىن ۇزارتىلدى.
الماتى مامانداندىرىلعان اۋدانارالىق تەرگەۋ سوتىنىڭ حابارلاۋىنشا، سوت قاۋلىسىمەن ارمان جۇماگەلدييەۆكە قاتىستى قىلمىستىق ءىس ماتەريالدارىمەن تانىسۋ كەزەڭىندە كۇدىكتىنى قاماۋدا ۇستاۋ مەرزىمىن ەكى ايعا ۇزارتۋ تۋرالى ۇكىم شىقتى.
ەسكە سالا كەتەيىك، بىلتىر 7 قاڭتاردا ارنايى وپەراسيا بارىسىندا ۇستالعان ارمان جۇماگەلدييەۆ سوت شەشىمىمەن 2 ايعا قاماۋعا الىنعان بولاتىن. ول "قاڭتار وقيعاسى كەزىندەگى تارتىپسىزدىكتەرگە قاتىسى بار" دەگەن كۇدىككە ىلىنگەن ەدى.
پىكىر قالدىرۋ