ورال تۇرعىنى شەتەلگە ءبىر بۇيرەگىن ساتپاق بولعان. ونىڭ بۇل ارەكەتىنە وتباسى جاعدايى سەبەپ بولعان. بۇل تۋرالى ءىىم رەسمي سايتى حابارلادى.
33 جاستاعى ەر ادام بۇيرەگىن قولما-قول اقشاعا ساتۋ تۋرالى تەلەگرامعا حابارلاندىرۋ جاريالاعان. كەيىن ونىمەن ساتىپ الۋشىلار بايلانىسىپ، ەكى جاق وپەراسيانى كەنيادا وتكىزۋگە كەلىسكەن.
وتا قۇنى 20 مىڭ اقش دوللارى بولعان. ورالدىق ەكى اي بويى مەديسينالىق ورتالىقتاردا تاپسىرعان تالداۋ ناتيجەلەرىن Telegram-ارناسى ارقىلى جىبەرىپ وتىرعان. سايت قىزمەتكەرلەرى وعان جول ءجۇرۋ، ەلەكتروندى ۆيزا ءۇشىن 250 اقش دوللارى كولەمىندە اقشا جىبەرگەن.
ەر ادام 30 شىلدە كۇنى الماتى حالىقارالىق اۋەجايىندا ۇستالدى.
وقيعاعا قاتىستى "ادام اعزالارى مەن تىندەرىن كۇشتەپ الۋ نەمەسە زاڭسىز الۋ" بابى بويىنشا تەرگەپ-تەكسەرۋ امالدارى باستالدى.
پىكىر قالدىرۋ