باس پروكۋراتۋرا قىلمىستىق كودەكسكە "نەكە قيۋ ماقساتىندا ادام ۇرلاۋ" بابىن ەنگىزۋدى قاراستىرىپ جاتىر.
"ورتالىق ازيا ەلدەرىنىڭ تاجىريبەسى كورسەتكەندەي، قىرعىزستان، وزبەكستان جانە تۇركىمەنستاننىڭ قىلمىستىق زاڭناماسىندا كۇشتەپ نەكەگە تۇرۋ ماقساتىندا ايەلدەردى ۇرلاۋ تۋرالى جەكە باپ بار. ماجبۇرلەپ نەكەگە تۇرۋ كوبىنەسە قىزداردى ءبىلىم الۋ مۇمكىندىگىنەن ايىرادى، بۇل ولاردى ەرىنە تاۋەلدى ەتەدى"، - دەدى بۇل تۋرالى ق ر ادام قۇقىقتارى جونىندەگى ۋاكىلى.
ماماندار قىز الىپ قاشۋ قازاقستاننىڭ وڭتۇستىگىندە ءالى دە ءجيى كەزدەسەتىنىن ايتادى. 2019 جىلدان باستاپ بۇگىنگە دەيىن ەلدە 214 ادام ۇرلاۋ فاكتىسى تىركەلگەن. الايدا، قازاقستاننىڭ قىلمىستىق كودەكسىندە قىز الىپ قاشۋ جەكە باپ رەتىندە قارالمايتىندىقتان نەكەگە تۇرۋ ءۇشىن ۇرلانعان قىزدار تۋرالى ناقتى ستاتيستيكا جوق.
پىكىر قالدىرۋ