2024 جىلى كەزەكتى پرەزيدەنتتىك مەرزىمگە بارۋدان باسقا امالى جوق ءپۋتيننىڭ بۇل جولعى سايلاۋ ناۋقانى دا شيزوفرەنيالىق ۇراندار مەن يدەيالاردان قۇرالماق.
رەسەيلىك ءباسپاسوزدىڭ حابارلاۋىنشا، ۆلاديمير پۋتين قاراشا ايىندا وتەتىن "روسسيا" دەيتىن كورمە-فورۋمدا ءوزىنىڭ پرەزيدەنتتىك سايلاۋعا تاعى تۇسەتىنىن جاريالاماق.
الگى كورمەنى ۇيىمداستىرۋعا 2 ملرد رۋبل جۇمسالعان دەسەدى.
ءپۋتيننىڭ بۇل سايلاۋالدى ناۋقانىندا ۋكراينامەن اراداعى سوعىس نەگىزگى تاقىرىپ بولمايدى. كرەملدىڭ ساياسي تەحنولوگتارى "سوعىس" پەن "ۋكراينا" دەگەن سوزدەن بارىنشا اۋلاق بولۋعا تىرىسادى.
ونىڭ ورنىنا پۋتين مەن ونىڭ پروپاگانديستەرى رەسەيدىڭ ءداستۇرلى وتباسىلىق قۇندىلىقتاردى جوعارى قوياتىن مەملەكەت ەكەنىن، سول ءۇشىن "بۇزىلعان باتىس ءبىزدى كورە الماي ءتىسىن ءالى قايراپ ءجۇر"، دەگەندى تىقپالاماق.
سويتە تۇرا، ۆلاديمير ءپۋتيننىڭ ءوزى وتباسى دەگەندى ەش قۇندىلىق سانامايدى، ول – ايەلىمەن اجىراسقان، نەكەسىز تۋعان بالالارى بار، قازىرگى سەمياسى تۋرالى اقپارات قۇپيادا ساقتالادى.
انىعى سول، پۋتين تەليەۆيزوردان "ەلدىڭ بولاشاعى"، "رەسەيدىڭ قۇندىلىقتارى" تۋرالى "قۇلاقتان تەۋىپ" جاتقاندا قارا سۋىقتا وكوپتاردا ءبۇرىسىپ جاتقان ورىس اسكەرى بۇرىنعىداي قىرىلا بەرمەك...
پىكىر قالدىرۋ