بۇل تۋرالى ق ر كولىك مينيسترلىگى حابارلادى. 

كولىك ءمينيسترى مارات قارابايەۆ باستاعان قازاقستاندىق دەلەگاسيا ءۇرىمشى قالاسىنىڭ ءبىرقاتار كولىك ينفراقۇرىلىمى نىسانىن، ونىڭ ىشىندە حالىقارالىق قۇرعاق پورتتى، ەكسپرەسس جەتكىزۋ ورتالىعىن (Jitu Express)، «قىتاي-ەۋروپا» تەمىرجول ەكسپرەسس حابىن جانە شىڭجاڭ ساۋدا-لوگيستيكالىق كورپوراسياسىنىڭ كەڭسەسىن ارالادى.

سونىمەن قاتار، كولىك مينيسترلىگىنىڭ باسشىسى «جۇڭگو حالىق رەسپۋبليكاسى-ەۋرووداق» باعىتى بويىنشا «تيانشان» مەرەيتويلىق 150 كونتەينەرلىك پويىزىن جونەلتۋ راسىمىنە قاتىستى.

سالتاناتتى راسىمدە «ءبىر بەلدەۋ – ءبىر جول» باستاماسى جۇزەگە اسىرىلىپ كەلە جاتقان 10 جىلدىڭ ىشىندە (2013 جىلدان باستاپ) قىتايدان باتىس باعىتتا 85 مىڭعا جۋىق كونتەينەرلىك پويىز جونەلتىلگەنى، ونىڭ 80%-ى قازاقستان ارقىلى وتكەنى اتاپ ءوتىلدى.

جوعارىدا اتالعان نىسانداردى ارالاۋ بارىسىندا تاراپتار لوگيستيكا ينفراقۇرىلىمىن ىنتالاندىرۋعا جانە جاقسارتۋعا باعىتتالعان بىرلەسكەن ينۆەستيسيالىق جوبالاردى ۇيىمداستىرۋ جوسپارلارىن ءوزارا كەلىستى.