ماسكەۋدىڭ باسمان اۋداندىق سوتى "كروكۋس سيتي حولل" كونسەرت زالىنا شابۋىل ءىسى بويىنشا ۇستالعان تاعى ءبىر ادامدى قاماۋعا الدى
تەرگەۋ مالىمەتىنشە، 25 جاستاعى ياكۋبدجوني يۋسۋفزودا شابۋىل جاساعانداردىڭ بىرىنە بانك كارتاسىنان اقشا اۋدارعان، تەراكتىدەن كەيىن دە كارتاسىنان اقشا جىبەرگەن. يۋسۋفزودا كەمى 22 مامىرعا دەيىن قاماۋدا بولادى. "ريا نوۆوستي" اگەنتتىگىنىڭ مالىمەتىنشە، يۋسۋفزودا 25 ناۋرىزدا قۇجاتتارىن تەكسەرۋ كەزىندە ۇستالعان، الايدا ول پوليسياعا باعىنباعانى ءۇشىن 12 كۇن اكىمشىلىك قاماۋعا الىنعان. ەندى وعان تەراكت تۋرالى باپ بويىنشا ايىپ تاعىلدى. سوت كۇدىكتىنى تۇتقىنداۋدى سۇراعان رەسەي تەرگەۋ كوميتەتىنىڭ ءوتىنىشىن ورىندادى. سوت وتىرىسى جابىق ءوتتى. "رەن تۆ" ارناسىنىڭ حابارلاۋىنشا، كۇدىكتى تاجىكستاندا دۇنيەگە كەلگەن، ايەلى مەن ءۇش بالاسى بار جانە رەسەيدە قۇرىلىسشى بولىپ جۇمىس ىستەگەن.