جامبىل وبلىسىندا 105 ميلليون تەڭگە كولەمىندە بيۋدجەت قاراجاتى جىمقىرىلعان. بۇل تۋرالى رىسقۇلوۆ اۋدانىنىڭ پروكۋراتۋراسى مالىمدەدى.
اۋدان پروكۋراتۋراسى اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى شەڭبەرىندە بولىنگەن قاراجاتتى جىمقىرۋ دەرەگىن انىقتادى.
"وبلىستىڭ ەكى تۇرعىنى 108 شارۋانىڭ اتىنان قۇجاتتاردى قولدان جاساپ، اۋىل شارۋاشىلىعى تەحنيكاسىن ساتىپ الۋ شىعىنىن سۋبسيديالاۋعا بولىنگەن 105،3 ميلليون تەڭگەنى زاڭسىز العانى انىقتالدى"، - دەلىنگەن حابارلاادا.
قىلمىستىق ءىستى تەرگەۋ وبلىستىق ەكونوميكالىق تەرگەپ-تەرسەرۋ دەپارتامەنتىنە جۇكتەلدى. قازىرگى ۋاقىتتا تەرگەۋ جۇرگىزىلىپ جاتىر.
پىكىر قالدىرۋ