وبلىستىق پوليسيا دەپارتامەنتى ۇسىنعان اقپاراتقا سايكەس، الاياقتار الەۋمەتتىك جەلىدە "Kaspi Profit" پلاتفورماسىنىڭ جالعان جارناماسىن ورنالاستىرعان. تانىمال بانكيردىڭ اتىن اقشانى ينۆەستيسيالاۋعا دا شاقىرعان. اقتوبەلىك دارىگەر ايەل جارناماعا سەنىپ، ءوز مالىمەتتەرىن بەرگەن. وعان Telegram ارقىلى "Kaspi Profit" مەنەدجەرى جانە قارجى تالداۋشىسى رەتىندە تانىستىرعان ادام حابارلاستى.
"مەنەدجەر "RoseFinance" كريپتو پلاتفورماسىنا اقشا سالىپ، ودان جوعارى پايىزبەن پايدا تابۋعا بولاتىنىنا سەندىرگەن. دارىگەر ءقاڭتار-ساۋىر ايلارى ارالىعىندا پلاتفورماعا 46 ميلليون تەڭگەدەن استام اقشا اۋدارعان. ءبىراق ەشقانداي جوعارى پايىز تۇسپەدى"، - دەيدى پوليسەيلەر.
دارىگەر الاياقتارعا الدانعانىن ءتۇسىنىپ، پوليسياعا ارىز ءتۇسىردى. قازىرگى كەزدە الاياقتىق فاكتىسى بويىنشا قىلمىستىق ءىس قوزعالدى.
پىكىر قالدىرۋ