قاداعالاۋ ورگانىنىڭ حابارلاۋىنشا، سوتتالعاندار بۋكمەكەرلىك كەڭسەلەر مەن ونلاين كازينولار ارقىلى ونلاين-ساتىپ الۋ، نەسيە راسىمدەۋ جانە قۇمار ويىندارعا قاتىسۋ ءۇشىن ۇيالى تەلەفون پايدالانعان، ولاردىڭ جالپى اينالىمى ءۇش ميلليارد تەڭگەدەن استى.

"№10 مەكەمەسىندەگى سوتتالعاندار ۇيالى تەلەفوندار قولدانا وتىرىپ، رۇقسات ەتىلگەن جانە رۇقسات ەتىلمەگەن زاتتاردى مەكەمە قابىرعاسىندا وتىرىپ-اق ساۋدالاعان. وسى فاكتىگە بايلانىستى الماتى وبلىسىنىڭ پروكۋراتۋراسى 361-باپتىڭ 2ء-بولىمى بويىنشا سوتقا دەيىنگى تەرگەۋ امالدارىن باستادى. قىلمىستىق كودەكستىڭ 1-بابى (قىزمەتتىك وكىلەتتىكتى تەرىس پايدالانۋ) بويىنشا ىلە اۋداندىق سوتى اتالعان مەكەمەنىڭ ءۇش قىزمەتكەرىن ءتۇرلى جازاعا كەستى"، - دەپ حابارلادى پروكۋراتۋرا.

سونىمەن قاتار، وبلىس پروكۋراتۋراسى №12  جانە №57 مەكەمە قىزمەتكەرلەرىنە قاتىستى قىلمىستىق كودەكستىڭ 361-بابى 2-1-بولىگى بويىنشا سوتقا دەيىنگى تەرگەۋ امالدارىن باستاپ، №57 مەكەمە باسشىسى قاماۋعا الىندى.

"انىقتالعان فاكتىلەر قىلمىستىق-اتقارۋ جۇيەسىندە، ونىڭ ىشىندە مەكەمە قىزمەتكەرلەرىنىڭ وزدەرىنىڭ قاتىسۋىمەن جۇرگىزىلىپ جاتقان زاڭ بۇزۋشىلىقتاردى كورسەتەدى"، - دەپ تولىقتىردى ۆەدومستۆو.