ۇكىمەت قاۋلىسىنا سايكەس، «تەڭىز جاساعى» اق مەملەكەتتىك كومپانياسى كەلەسى قىزمەتتەردى اتقارادى:

1. سولتۇستىك كاسپيي مۇنايدىڭ توگىلۋىنە ارەكەت ەتۋ ەكولوگيالىق بازاسىن جانە كاسپيي تەڭىزىنىڭ قايراڭىندا ىسكە اسىرىلاتىن باسقا دا تەڭىزدەگى مۇناي وپەراسيالارىنا قولداۋ كورسەتەتىن ينفراقۇرىلىمدىق نىسانداردى پايدالانۋعا بەرۋ، پايدالانۋ، باسقارۋ جانە سەرۆيستىك قىزمەت كورسەتۋ؛

2. كاسپيي تەڭىزىنىڭ قايراڭىندا ىسكە اسىرىلاتىن تەڭىزدەگى مۇناي وپەراسيالارىنا قولداۋ كورسەتەتىن ينفراقۇرىلىمدىق نىسانداردى جاساۋ؛

3. مۇنايدىڭ توگىلۋىنىڭ الدىن الۋ جانە توگىلگەن جاعدايدا تەڭىزدە جانە جاعالاۋدا ارەكەت ەتۋ جۇمىستارى؛

4. مۇناي-گاز جابدىعىن شىعارۋ جانە سەرۆيستىك قىزمەت كورسەتۋ جوبالارىنا قاتىسۋ؛

5. مۇناي-گاز سالاسىندا تەحنيكالىق قولداۋ كورسەتۋ.

سونداي-اق، قاۋلى جوباسىندا كومپانيانىڭ جارعىلىق كاپيتالىنا مەملەكەتتىڭ 100% قاتىساتىنى ايتىلعان. 

«تەڭىز جاساعى» اكسيونەرلىك قوعامىنا توتەنشە جاعدايلار مينيسترلىگىنە يەلىك ەتپەك جانە كومپانيا ماڭعىستاۋ وبلىسىندا ورنالاسادى. قاۋلى جوباسى 26 شىلدەگە دەيىن كوپشىلىك نازارىنا تالقىلاۋعا ۇسىنىلىپ وتىر.