قىزىلوردادا وقۋشىنى جەزوكشەلىككە ماجبۇرلەگەن 8 كۇدىكتى قامالدى. بۇل تۋرالى ق ر ىشكى ىستەر مينيسترلىگى حابارلادى.

"8 كۇدىكتىگە سوت "قاماۋدا ۇستاۋ" تۇرىندەگى بۇلتارتپاۋ شاراسىن تاڭدادى، بىرەۋى ءۇيقاماقتا. بۇدان باسقا، وسى قىلمىستىق ءىس شەڭبەرىندە قك بىرنەشە بابى بويىنشا، ونىڭ ىشىندە جەزوكشەلىكپەن اينالىسۋعا ارنالعان پريتون ۇيىمداستىرۋ جانە جەڭگەتايلىق (309-بابى 2-بولىگى)، بوپسالاۋ (194-بابى 2-بولىگى)، ەسىرتكى قۇرالدارىن، پسيحوتروپتىق زاتتاردى، ولاردىڭ انالوگتارىن قولدانۋعا كوندىرگەنى ءۇشىن (299-بابى 3-بولىگى)، ازاپتاۋ ءۇشىن (110-بابى 1-بولىگى)، كامەلەتكە تولماعان بالانى تاربيەلەۋ جونىندەگى مىندەتتەردى ورىنداماعانى ءۇشىن (140-بابى 1-بولىگى) تەرگەۋ ءجۇرىپ جاتىر" — دەلىنگەن حابارلامادا.

ەسكە الا كەتەيىك، قىزىلوردادا 16 جاسار وقۋشى قىزدى سىنىپتاستارى ازاپتاپ، جەزوكشەلىكپەن اينالىسۋعا ماجبۇرلەگەن.