فرانسيا پرەزيدەنتى ماكرون پاۆەل دۋروۆتىڭ قاماۋعا الىنۋىنا قاتىستى پىكىر ءبىلدىرىپ، بۇل "ساياسي شەشىم ەمەس" ەكەنىن ايتتى.
"فرانسيا ءسوز بوستاندىعى مەن كوممۋنيكاسيا، يننوۆاسيا مەن كاسىپكەرلىكتى قولدايدى. زاڭ ۇستەمدىگى ورناعان ەلدە ازاماتتاردىڭ الەۋمەتتىك جەلىدەگى جانە ودان تىس جەردەگى قۇقىعىن قورعاۋ زاڭ اياسىندا ىسكە اسادى. ال زاڭنىڭ ساقتالۋىنا تولىق تاۋەلسىز سوت جۇيەسى جاۋاپتى. Telegram يەسى فرانسيا اۋماعىندا جۇرگىزىلىپ جاتقان سوت تەرگەۋى اياسىندا قاماۋعا الىندى. بۇل ەشقانداي دا ساياسي شەشىم ەمەس" — دەدى فرانسيا پرەزيدەنتى.
ەسكە سالا كەتەيىك، Telegram مەسسەندجەرىنىڭ نەگىزىن قالاۋشى پاۆەل دۋروۆ پاريجدە قاماۋعا الىنعان بولاتىن.
پىكىر قالدىرۋ