بۇگىن ۇكىمەت قازاقستاندا اتوم ەلەكتر ستانسياسىن سالۋ تۋرالى باستاما كوتەردى.ءبىزدىڭ الدىمىزدا ەلىمىزدىڭ ودان ءارى ەكونوميكالىق، ساياسي جانە الەۋمەتتىك دامۋىنىڭ ۆەكتورىن ايقىندايتىن ماڭىزدى تاڭداۋ تۇر.
رەفەرەندۋم قارساڭىندا ەلىمىزدىڭ بىرنەشە وڭىرلەرىندە قوعامدىق تىڭداۋلار ءوتتى. ماماندار بۇل تاقىرىپتى قىزۋ تالقىلاپ، ءتۇرلى پىكىرلەرىن بىلدىرۋدە. ولاردىڭ كوپشىلىگى قازاقستاننىڭ بەيبىت اتوم ەنەرگياسىنان قۋات الاتىن الپاۋىت ەل بولعانىن قالايدى.
ەل بولاشاعىن ايقىندايتىن جاۋاپتى شەشىمنەن ۇلتتىق پالاتا دا شەت قالمادى. ءبىز الەمدىك تاجىريبەگە، وسى سالاداعى عالىمدار مەن مامانداردىڭ – سالا ماماندارىنىڭ دالەلدەرىنە سۇيەنەمىز.
وزدەرىڭىز بىلەسىزدەر، «اتامەكەن» ساراپشىلارى ءتۇرلى الاڭداردا ءوز ۇستانىمدارىن دالەلدەپ كەلەدى.
ۇلتتىق پالاتا ۇكىمەتتىڭ بۇل باستاماسىن تولىعىمەن قولدايدى. اتوم ەلەكتر ستانسياسىنىڭ قۇرىلىسى وتاندىق بيزنەستىڭ دامۋىنا قۋاتتى سەرپىن بەرەتىنىنە نىق سەنىممەن ايتا الامىز.
مەن بىرنەشە ماڭىزدى اسپەكتىلەردى قىسقاشا اتاپ وتەيىن.
بىرىنشىدەن، اەس تۇراقتى ەنەرگيامەن قامتاماسىز ەتەتىن نەگىزگى كوز بولىپ تابىلادى. بۇل بيزنەستى دامىتۋعا كەرەمەت مۇمكىندىك. اسىرەسە، تاۋ-كەن جانە مەتاللۋرگيا، ماشينا جاساۋ، وڭدەۋ ونەركاسىبى، قۇرىلىس جانە باسقا دا كوپتەگەن ەنەرگيانى قاجەت ەتەتىن سالالار ءۇشىن ماڭىزدى.
جالپى، شاعىن جانە ورتا بيزنەس كومىرتەكتى بەيتاراپتىقتى تابىستى ىسكە اسىرۋ ءۇشىن ەلەكتر ەنەرگياسىن جەتكىزۋدى قاجەت ەتەدى. ەلىمىزگە بارلىق شيكىزاتتىق ەمەس سالالاردى ءارتاراپتاندىرۋ قاجەت. ءبىرىنشى كەزەكتە – بۇل جاڭارتىلاتىن ەنەرگەتيكا جانە اتوم ەنەرگەتيكاسى ءۇشىن تازا ەنەرگيانىڭ بازالىق گەنەراسياسىنا اينالۋى مۇمكىن. اتالمىش سالانى قولعا الۋ – ءبىزدىڭ ەكسپورتتىق ءونىمدى ساتۋعا ارنالعان كومىرتەگى سالىعىن ازايتۋعا مۇمكىندىك بەرەدى.
ەكىنشىدەن، اەس سالۋ جانە پايدالانۋ ىلەسپەلى سالالاردىڭ دامۋىن ىنتالاندىراتىن وزىق تەحنولوگيالاردى، سونىڭ ىشىندە ءىت جانە يننوۆاسيالىق شەشىمدەردى ەنگىزۋدى تالاپ ەتەدى. سوڭعى ەكى جىلدا ءبىزدىڭ ماماندار تۇركيا جانە باسقا دا وڭىرلەرگە بارىپ، شاعىن، ورتا جانە ءىرى بيزنەستىڭ جاڭا تەحنولوگيالارمەن جۇمىس ىستەۋدىڭ قىر-سىرىن مەڭگەرىپ كەلدى.
ءۇشىنشى ماڭىزدى اسپەكت – جۇمىس ورىندارىن قۇرۋ جانە ادامي رەسۋرستاردى دامىتۋعا بايلانىستى. وسى تۇرعىدا ءبىلىم بەرۋ ماسەلەسىن دە ايتا كەتكەن ءجون. جوعارى تەحنولوگيالاردى مەڭگەرۋ شاعىن، ورتا جانە ءىرى بيزنەستىڭ دامۋىنا ءسوزسىز سەرپىن بەرەدى.
جالپى، ءبىز بۇل شەشىمدى قولدايمىز جانە ەكونوميكامىزدىڭ دامۋىنا ەلەۋلى مۋلتيپليكاتيۆتىك اسەر بەرەتىنىنە سەنىمدىمىز.
«اتامەكەن» ۇكپ باسقارما ءتوراعاسى
رايىمبەك باتالوۆ
پىكىر قالدىرۋ