«ۇلتتىق قور پارامەترلەرىنىڭ بولجامى بيىل جانە كەلەسى جىلداعى ترانسفەرتتەردى تارتۋ تۋرالى شەشىمدەرگە نەگىزدەلگەن. ناتيجەسىندە ۇلتتىق قوردىڭ تازا ۆاليۋتالىق اكتيۆتەرى 2025 جىلى 53،8 ملرد دوللار دەڭگەيىندە باعالانادى. ال 2027 جىلى 74 ملرد دوللارعا دەيىن وسەدى. بۇل سوماعا وبليگاسيالىق نەسيەلەردىڭ، «قازاتومونەركاسىپتىڭ» اكسيالارىن ساتىپ الۋ كىرەدى. 2025 جىلى 5،4 ترلن تەڭگە سوماسىندا قاراجات تارتۋ جوسپارلانىپ وتىر. ال كەيىنگى بولجام جاسالعان جىلدارى ترانسفەرتتەر كولەمى تاريحي كولەمنەن ەداۋىر تومەن بولادى. اتاپ ايتقاندا، 2026-2027 جىلدار ترانسفەرتتەر سوماسى تەك 2 ترلن تەڭگە بولادى»، - دەدى ول.
تيمۋر سۇلەيمەنوۆ ۇكىمەتتىڭ ۇلتتىق قور اقشاسىنا بايلانىستى جوسپارى وسىنداي بولعانىمەن، ونىڭ ورىندالماي قالۋى مۇمكىن ەكەنىن ايتادى.
«اتالعان جىلداردا نىسانالى ترانسفەرت كوزدەلمەگەن. ءبىز، ارينە، ۇلتتىق قوردان قاراجات تارتۋدى ازايتۋ شارالارىن قولدايمىز. سونىمەن بىرگە، ەگەر، سالىق رەفورماسى اياسىندا رەسپۋبليكالىق بيۋدجەتتىڭ كىرىسىن ەداۋىر ارتتىرۋعا باعىتتالعان ەلەۋلى جانە جۇيەلى شارالار ىسكە اسىرىلماسا، 2026-27 جىلدارى ۇلتتىق قوردان قوسىمشا قاراجات الۋدى تالاپ ەتەتىن تاۋەكەل بار، جوق ەمەس»، - دەدى ۇلتتىق بانك باسشىسى.
پىكىر قالدىرۋ