بۇگىن استانادا دەنيس تەننىڭ ولىمىنە قاتىستى ءىس بويىنشا سوتتالعانداردىڭ كاسساسيالىق شاعىمى بويىنشا سوت وتىرىسى ءوتتى.
جوعارعى سوتتىڭ سۋديالارى دەنيس تەننىڭ ولىمىنە قاتىستى ءىس بويىنشا سوتتالعانداردىڭ كاسساسيالىق شاعىمىن قاناعاتتاندىرمادى.
سوت وتىرىسىندا قۇدايبەرگەنوۆ پەن قياسوۆتىڭ مۇددەسىن قورعاعان قورعاۋشى سامات ساعيدانوۆ ءسوز سويلەپ، ەكەۋىن دە اقتاۋدى سۇرادى. بۇدان كەيىن سۋديالار القاسى شەشىم قابىلداۋ ءۇشىن كەڭەسۋ بولمەسىنە كەتتى.
"سۋديالار ءىستى كاسساسيالىق قاراۋعا بەرۋدەن باس تارتتى"، – دەلىنگەن سوت قاۋلىسىندا.
جوعارعى سوت سوتتالعانداردىڭ ۇكىمىن وزگەرىسسىز قالدىردى.
ەسكە سالايىق، 2019 جىلعى قاڭتاردا سوت ۇكىمى بويىنشا دەنيس تەنگە شابۋىل جاساعان نۇرالى قياسوۆ پەن ارمان قۇدايبەرگەنوۆ 18 جىلعا باس بوستاندىعىنان ايىرىلدى.ءىس بويىنشا جانار تولىسبايەۆا دا بار. ول ورتاشا قاۋىپسىزدىك مەكەمەسىندە ءتورت جىلعا باس بوستاندىعىنان ايىرىلدى، ءبىراق ءبىر جىلدان كەيىن قاماۋدان بوساتىلدى.
سوت جازانىڭ وتەلمەگەن بولىگىن دەنساۋلىعىنىڭ جاي-كۇيىنە جانە بالاسىنىڭ بولۋىنا بايلانىستى باس بوستاندىعىن شەكتەۋگە اۋىستىرۋعا شەشىم قابىلدادى. كەيىنىرەك ول كولونياعا ورالدى جانە 2021 جىلعى جەلتوقساندا بوساتىلدى.
پىكىر قالدىرۋ