قازاقستان ليسسابون كونۆەنسياسىن راتيفيكاسيالادى. وسى كونۆەنسياعا قول قويعان 55 مەملەكەت (45 ەۋروپا ەلدەرى جانە ەۋروپالىق وداققا كىرمەيتىن 10 ەل، سونىڭ ىشىندە اقش) ءبىر-بىرىنىڭ وقۋ ناتيجەلەرىن مويىنداۋعا كەلىستى. بۇل قۇجات قازاقستاندا اككرەديتتەلگەن جوعارى وقۋ ورىندارىندا ءبىلىم العان ازاماتتارعا ديپلومدى نوستريفيكاسيالاۋعا جانە سونىڭ سالدارىنان ونى وقۋدى جالعاستىرۋ نەمەسە جۇمىسقا ورنالاستىرۋ ءۇشىن پايدالانۋعا مۇمكىندىك بەرەدى.
"كەلەشەك" جوباسى-بالانىڭ ءبىلىم الۋىنا ينۆەستيسيالار
مينيسترلىك "كەلەشەكتىڭ ءبىرىڭعاي ەرىكتى جيناقتاۋ جۇيەسىنىڭ ماسەلەلەرى بويىنشا"قازاقستان زاڭدارىنا وزگەرىستەر مەن تولىقتىرۋلار ەنگىزەتىن زاڭ جوباسىن ازىرلەدى.
"كەلەشەك" جۇيەسىنىڭ الدىندا ءۇش نەگىزگى مىندەت تۇر:
- بىلىمگە قولجەتىمدىلىكتى كەڭەيتۋ؛
- مەملەكەتتىك قولداۋدىڭ بارلىق شارالارىن ءبىر ءبىرىڭعاي جۇيەگە جيناقتاۋ؛
- ءاربىر اتا-انا كىشكەنتاي كەزىنەن باستاپ بالاسىنىڭ وقۋ تراەكتورياسىن قۇرا الاتىن جۇيەنى قۇرۋ.
"كەلەشەك" جۇيەسىندە جينالعان قاراجاتتى پايدالانۋدىڭ بىرنەشە تەتىكتەرى قاراستىرىلعان:
- جيناقتاۋدى جالعاستىرۋ؛
- ءوز جيناقتارىن ءۇشىنشى تۇلعانىڭ پايداسىنا اۋدارۋ؛
- ءبىلىم بەرۋدىڭ باسقا دەڭگەيلەرىن الۋعا جىبەرۋ؛
- تۇرعىن ءۇي-جايعا ينۆەستيسيا سالۋ.
ءقازىر بۇل زاڭ جوباسى ماجىلىستە.
عىلىم اكادەمياسى
2022 جىلى ۇلتتىق عىلىم اكادەمياسىنىڭ مەملەكەتتىك مارتەبەسى قايتارىلدى. ول جارعىلىق كاپيتالعا مەملەكەتتىڭ ءجۇز پايىز قاتىسۋىمەن كوممەرسيالىق ەمەس اكسيونەرلىك قوعامعا اينالدى.
2023 جىلعى 27 ناۋرىزدان باستاپ اكادەميانىڭ رەسمي اتاۋى قۇجاتتاردا پرەزيدەنت جانىنداعى "قازاقستان رەسپۋبليكاسىنىڭ ۇلتتىق عىلىم اكادەمياسى" كوممەرسيالىق ەمەس اكسيونەرلىك قوعامى رەتىندە جازىلادى.
ءبىلىم بەرۋ نەسيەسى
بيىل مەملەكەتتىك ءبىلىم بەرۋ كرەديتىن بەرۋ ءتارتىبى بەكىتىلدى. بۇل ءتۇر كەلەسى كريتەرييلەرگە سايكەس كەلەتىن ۇمىتكەرلەرگە بەرىلەدى:
- جوعارى ءبىلىمنىڭ ءبىلىم بەرۋ باعدارلامالارى بويىنشا ق ر اۋماعىندا ججوكبۇ-دا وقىعانى ءۇشىن ءىشىنارا اقى تولەنەتىن ءبىلىم بەرۋ گرانتىنىڭ يەگەرلەرىنە؛
- تۇراقتى تابىس كوزى بار ق ر كەم دەگەندە ءبىر ەڭبەككە قابىلەتتى ازاماتىنا كەپىلدىك بەرگەن. بۇل ولشەم جەتىم بالالار مەن اتا-اناسىنىڭ قامقورلىعىنسىز قالعان بالالار ساناتىنا جاتاتىن قارىز الۋشىلارعا قولدانىلمايدى؛
- وقۋدىڭ بارلىق كەزەڭىندە ءبىلىم بەرۋ قىزمەتتەرىنىڭ جالپى قۇنىنىڭ كەمىندە 10% - ى مولشەرىندە جيىنتىق جيناقتارى بار ءبىلىم بەرۋ جيناقتاۋ سالىمى تۋرالى تىركەلگەن شارتى نەمەسە ءبىلىم بەرۋ جيناقتاۋ ساقتاندىرۋ شارتى بار ۇمىتكەرلەرگە.
- بيىلعى جىلى "پەداگوگيكالىق عىلىمدار" جانە "الەۋمەتتىك عىلىمدار، جۋرناليستيكا جانە اقپارات"ءبىلىم بەرۋ باعدارلامالارىنىڭ توپتارى گرانتتار الادى.
ەستەرىڭىزگە سالا كەتەيىك، پرەزيدەنت قاسىم-جومارت توقايەۆ ءوز جولداۋىندا قولدانبالى عىلىمنىڭ ماڭىزدىلىعىن اتاپ ءوتتى.
— ۇزدىك ۋنيۆەرسيتەتتەردىڭ ەكونوميكانىڭ ناقتى سەكتورىمەن بايلانىسىن كۇشەيتۋ قاجەت. يننوۆاسيالىق ساياساتتى ەلدىڭ عىلىمي-تەحنولوگيالىق باسىمدىقتارىمەن ۇندەستىرۋ تالاپ ەتىلەدى. بۇل سالالىق يننوۆاسيالارعا سەرپىن بەرۋگە، جوعارى وقۋ ورىندارىندا قولدانبالى عىلىمنىڭ الەۋەتىن اشۋعا مۇمكىندىك بەرەدى. شەتەلدەگى عالىمداردىڭ تاعىلىمدامالارىن بەلگىلى ءبىر سينەكۋراعا جانە "اكادەميالىق تۋريزمگە" اينالدىرۋ مۇمكىن ەمەس"، — دەدى ول.
پىكىر قالدىرۋ