الەۋمەتتىك جەلىلەردە قازاقستان اۋىل شارۋاشىلىعى ماقساتىنداعى اۋقىمدى جەرلەردى قىتايعا بەرۋدى جوسپارلاپ وتىرعانى تۋرالى اقپارات تارالۋدا. حابارلاما اۆتورىنىڭ ايتۋىنشا، بۇل ماسەلە بويىنشا كەلىسسوزدەر 2009 جىلدان بەرى جۇرگىزىلىپ كەلەدى، ال جالپى جەردىڭ اۋدانى 1،7 ميلليون گەكتارعا جەتتى. اقپاراتتاردىڭ سكرينشوتىن stopfake.kz ماماندارى جاريالادى.

قازاقستان رەسپۋبليكاسى سىرتقى ىستەر مينيسترلىگىنىڭ باسپا ءسوز قىزمەتى بۇل اقپاراتقا قاتىستى تۇسىنىكتەمە بەردى. 

"بۇل فەيك. ب ا ق نەمەسە اقپاراتتىق-كوممۋنيكاسيالىق جەلىلەردى پايدالانا وتىرىپ، كورىنەۋ جالعان اقپارات تاراتقانى ءۇشىن جاۋاپكەرشىلىك كوزدەلگەنىن ەسكە سالامىز. تەك رەسمي دەرەككوزدەرگە عانا سەنىڭىز"، – دەلىنگەن ق ر ءسىم رەسمي حابارلاماسىندا.

قازاقستان رەسپۋبليكاسى اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاۋىنشا، ق ر جەر تۋرالى كودەكسىنىڭ 23-بابىنا سايكەس، اۋىل شارۋاشىلىعى ءوندiرiسiن جۇرگiزۋگە جانە ورمان ءوسiرۋگە ارنالعان جەردi قوسپاعاندا، جەر ۋچاسكەلەرi شەتەلدىكتەردىڭ، ازاماتتىعى جوق ادامداردىڭ جانە شەتەلدiك زاڭدى (مەملەكەتتiك ەمەس) تۇلعالاردىڭ جەكە مەنشiگiندە بولۋى مۇمكiن.

"بۇل ءوندiرiستiك جانە ءوندiرiستiك ەمەس، ونىڭ iشiندە تۇرعىن ۇيلەر مەن ولاردىڭ كەشەندەرiن سالۋ ءۇشiن بەرiلگەن نەمەسە ولار سالىنعان جەر ۋچاسكەلەرi بولۋى مۇمكiن. بۇل رەتتە قازاقستان رەسپۋبليكاسى مەملەكەتتىك شەكاراسىنىڭ شەكارالىق بەلدەۋىندە ورنالاسقان جەر ۋچاسكەلەرى جەكە مەنشىككە جانە ۋاقىتشا جەر پايدالانۋعا بەرىلمەيدى"، – دەپ حابارلايدى ۆەدومستۆو.

مينيسترلىكتىڭ مالىمەتىنشە، ق ر جەر كودەكسىنىڭ 24-بابىنا سايكەس، شەتەلدىكتەر، ازاماتتىعى جوق ادامدار، شەتەلدىك زاڭدى تۇلعالار، شەتەلدىك قاتىسۋى بار قازاقستان رەسپۋبليكاسىنىڭ زاڭدى تۇلعالارى، حالىقارالىق ۇيىمدار، حالىقارالىق قاتىسۋى بار عىلىمي ورتالىقتار، سونداي-اق قانداستار اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىك نەمەسە جەر پايدالانۋ قۇقىعىمەن يەلەنە المايدى.

"كودەكستىڭ 171-بابىنا سايكەس، شەتەلدىكتەرگە، ازاماتتىعى جوق ادامدارعا، شەتەلدىك زاڭدى تۇلعالارعا، شەتەلدىك قاتىسۋى بار قازاقستان رەسپۋبليكاسىنىڭ زاڭدى تۇلعالارىنا، حالىقارالىق ۇيىمدارعا، حالىقارالىق قاتىسۋى بار عىلىمي ورتالىقتارعا، سونداي-اق قانداستارعا جالداۋ شارتتارىمەن 2016 جىلعى 1 شىلدەگە دەيىن بەرىلگەن اۋىل شارۋاشىلىعى ماقساتىنداعى جەر ۋچاسكەلەرىنە ۋاقىتشا جەر پايدالانۋ قۇقىعى جالداۋ شارتىنىڭ قولدانىلۋ مەرزىمى اياقتالعانعا دەيىن قولدانىلادى جانە جاڭا مەرزىمگە ۇزارتىلۋعا جاتپايدى نەمەسە وسى كودەكستە كوزدەلگەن ۋاقىتشا جەر پايدالانۋ قۇقىعىن توقتاتۋ ءۇشىن وزگە دە نەگىزدەر باستالعانعا دەيىن قولدانىلادى"، – دەپ حابارلادى ق ر اۋىل شارۋاشىلىعى مينيسترلىگى.