ول استانا اكىمدىگىنە بەرىلەتىن بولدى.

استانادا ۇلتتىق قاۋىپسىزدىك كوميتەتىنىڭ ەكس-توراعاسى كارىم ماسىموۆكە تيەسىلى ءۇي الەۋمەتتىك ماقساتتا پايدالانۋ ءۇشىن تاركىلەندى.

كومپانيانىڭ مالىمەتىنشە، استانا قالاسى اكىمدىگىنەن بۇل ءۇيدى الەۋمەتتىك قاجەتتىلىكتەردى وتەۋگە بەرۋ تۋرالى رەسمي ءوتىنىش تۇسكەن.

"الەۋمەتتىك ماڭىزدىلىعىن جانە زاڭناما تالاپتارىن ەسكەرە وتىرىپ، بۇل نىسان ەلەكتروندىق ساۋدا جوسپارىنان الىندى. نىساندى ءارى قاراي پايدالانۋ ماسەلەسى جەرگىلىكتى اتقارۋشى ورگاننىڭ مۇددەلەرىن ەسكەرە وتىرىپ، بەلگىلەنگەن تارتىپپەن شەشىلەدى"، - دەلىنگەن كومپانيا حابارلاماسىندا.

ايتا كەتەرى، استانا قالاسى نۇرا اۋدانى قاراوتكەل شاعىن اۋدانى ەرەيمەنتاۋ كوشەسى 1ء-ۇي مەكەنجايىندا ورنالاسقان جەرتولەسى بار تۇرعىن ءۇي ءۇش رەت ساتىلىمعا شىعارىلعان بولاتىن.

نىساننىڭ باستاپقى باعاسى 1،8 ملرد تەڭگە بولعان ەدى.

ءزاۋلىم ءۇيدى ءۇش رەت اۋكسيونعا شىعارعانىمەن، ساتىپ الۋشىلار تابىلمادى.