2025 جىلدىڭ ءبىرىنشى جارتىسىندا قازاقستاننىڭ مادەنيەت سالاسى ساپالى جاڭا دەڭگەيگە كوتەرىلدى. مادەنيەت مينيسترلىگىنىڭ جارتى جىلداعى قىزمەتىنىڭ قورىتىندىلارى تۋرالى تولىعىراق حابارلاۋدى ءجون كوردىك.

كينو، ونەر، كرەاتيۆتى يندۋستريالاردى قولداۋدىڭ جاڭارتىلعان ارحيتەكتۋراسى، سونداي-اق ءىرى حالىقارالىق جوبالاردىڭ ىسكە قوسىلۋى ق ر مادەنيەت جانە اقپارات مينيسترلىگىنىڭ قازاق ۇلتتىق برەندىن جاڭعىرتۋ جانە حالىقارالىق دەڭگەيگە كوتەرۋ ماسەلەلەرىنە بايىپتى قاراعانىن ايعاقتايدى.

قازاقستاندىق كينو-الەمدىك تانۋدىڭ "جاڭا تولقىنى"

كينويندۋستريانى مەملەكەتتىك قولداۋ ايتارلىقتاي كۇشەيە ءتۇستى. ۇلتتىق كينو قورى پروكاتقا شىققان التى ءفيلمدى قارجىلاندىردى، جىل سوڭىنا دەيىن تاعى ون فيلم شىعادى دەپ كۇتىلۋدە. ولاردىڭ قاتارىندا ءتۇسىرىلىم اياقتالعانعا دەيىن سەنساسيا تۋدىرعان "كاپيتان بايتاسوۆ"، "قايتادان" جانە "كۇزگى سامال" سياقتى كارتينالار بار. كينەماتوگرافتى مەملەكەتتىك قارجىلاندىرۋدىڭ ۇلعايۋى قازاقستاندىق رەجيسسەرلەردىڭ ەسىمدەرى كانادا، فرانسيا، يسپانيا جانە اقش-تاعى فەستيۆالدەردىڭ لاۋرەاتتارى مەن جۇلدەگەرلەرىنىڭ قاتارىندا قايتا ايتىلۋىنا ىقپال ەتتى.

قازاقستاندىق كينو جاڭا نارىقتاردى سەنىمدى يگەرۋدە: گرەسيادا كينو كۇندەرى ءوتتى، ءبىرقاتار كارتينالار گونكونگ، كانن، بەرليننىڭ كوپشىلىك كورەرمەنىنە ۇسىنىلدى.

"قازاقفيلمدە" ەلەۋلى وزگەرىستەر ورىن الىپ، وتاندىق كينونىڭ "التىن كوللەكسياسىن" قالپىنا كەلتىرۋگە كىرىستى. ايتپاقشى، سوڭعى 15 جىلدا العاش رەت كينوستۋديادا دەمەۋشىلەردىڭ قاراجاتى ەسەبىنەن عيماراتتار مەن ءتۇسىرىلىم پاۆيلوندارىنا اعىمداعى جوندەۋ جۇرگىزىلدى.

وتاندىق كينودا جاستارعا ستاۆكا جاسالادى: مەملەكەتتىك قولداۋ كورسەتۋ ءۇشىن كينوجوبالاردى ىرىكتەۋ ەرەجەلەرى وزگەرتىلدى، اشىق پيچينگ وتكىزىلۋدە. ۇلتتىق كينونى قولداۋ ورتالىعى باسىم تاقىرىپتاردى جاريالادى. ۆەدومستۆوارالىق كوميسسيا مەن ساراپتامالىق كەڭەس 2025 جىلى مەملەكەتتىك قارجىلاندىرۋدى الاتىن 16 كينوجوبانى تاڭداپ الدى.

قازاقستاندىق مادەني مۇرانى ساقتاۋ جانە ىلگەرىلەتۋ

حالىقارالىق ارەنادا قازاقستان يۋنەسكو قالىپتاستىراتىن ادامزاتتىڭ رۋحاني مۇراسى تىزىمىنە جاڭا نوميناسيالاردى ۇسىندى. نوميناسيالانعان وبەكتىلەردىڭ قاتارىنا "ماڭعىستاۋ تۇبەگىنىڭ جارتاستى مەشىتتەرى" جانە "جىبەك جولى: فەرعانا-سىرداريا ءدالىزى" تراسساسى (سوڭعى وبەكت - وزبەكستانمەن، تاجىكستانمەن جانە قىرعىزستانمەن سەرىكتەستىكتە) ەنگىزىلدى. وزبەك تاراپىمەن بىرلەسىپ "كەستەسۋزاننا" جانە "تاكيا"ونەرىن نوميناسيالاۋعا قۇجاتتاردى ازىرلەۋ جالعاسۋدا.

ەلدىڭ مادەني مۇراسىن - ماتەريالدىق، ماتەريالدىق ەمەس جانە دەرەكتى ساقتاۋدىڭ كەشەندى جوسپارى قالىپتاسۋدا. بۇل مەملەكەتتىك ورگاندار مەن ساراپشىلار قاۋىمداستىعىنىڭ كۇش-جىگەرىن شوعىرلاندىرۋ ءۇشىن ماڭىزدى قادام.

مۇراجاي – ءبىزدىڭ مادەني قازىنا

ەلدە 270-تەن استام مۇراجاي بار. ەكى ءىرءى – ءابىلحان قاستەيەۆ اتىنداعى جانە ورتالىق مەملەكەتتىك مۇراجاي - بيىل "ۇلتتىق" مارتەبەگە يە بولدى. جارتى جىل ىشىندە ەلىمىزدىڭ مۇراجايلارىندا 800 - دەن استام ىس-شارالار-كورمەلەر، دارىستەر، شەبەرلىك سىنىپتارى ءوتتى.

قىتايمەن ىنتىماقتاستىقتا "جىبەك جانە جىبەك جولى"، "يدەيالار ونەرى" اتتى اۋقىمدى ەكسپوزيسيالار وتكىزىلدى. مۇراجاي جۇمىسى مادەني ديپلوماتيا الاڭىنا اينالۋدا.

قازاقستان ەلدەن تىس جەردە – بەيجىڭدە ءوزىنىڭ العاشقى مادەني ورتالىعىن اشتى. بۇل قىتايمەن، اسىرەسە "قر-داعى قحر تۋريزم جىلى" اياسىندا مادەني قاتىسۋدى جانە ىنتىماقتاستىقتى نىعايتۋ جونىندەگى ماڭىزدى قادام.