جەكسەنبى كۇنى قىتايداعى گانگكونگ قالاسىندا چيكۋنگۋنيا بەزگەگى دەپ اتالاتىن ءقاۋىپتى ۆيرۋس تارالعانى حابارلاندى. گانگكونگتىڭ دەنساۋلىق ساقتاۋ ورتالىعىنىڭ رەسمي دەرەگى بويىنشا ءقازىردىڭ وزىندە ينفەكسيا 7000-نان استام ادامنان انىقتالعان. العاش رەت اۋرۋ قىتايدىڭ فوشان قالاسىنا ساپارىنان ورالعان 12 جاسار بالادا انىقتالدى.
رەسمي دەرەك بويىنشا ازىرگە اۋىر جاعدايلار مەن ءولىم-جىتىم تىركەلمەگەنى اتاپ ءوتىلدى. ينفەكسيا جۇقتىرعانداردىڭ كوبىسى 2770 جاعداي فوشان قالاسىندا تىركەلگەن.
بۇل بەزگەكتىڭ ءتۇرى باسقا ادامدارعا ماسا ارقىلى تارايدى. ينفەكسيا جۇقتىرعان ادامدا قىزۋ كوتەرىلۋى، بۋىنداردىڭ قاتتى اۋىرۋى، جۇيكە جۇيەسىنىڭ بۇزىلۋى سەكىلدى اسقىنۋلار پايدا بولادى.
جۇڭگو بيلىگى جاعدايدىڭ باقىلاۋدا ەكەنىن مالىمدەدى. سونداي-اق تۋريستەرگە ەشقانداي ءقاۋىپ جوق ەكەنى حابارلاندى.
بيىل مۇنداي جاعداي الەمنىڭ ءۇندىستان، ليۆان سەكىلدى ەلدەرىندە تىركەلگەن بولاتىن. مىسالى مۋمبايدا ماۋسىم ايىندا 21 ادام، شىلدەدە 129 ادام چيكۋنگۋنيا ينفەكسياسىن جۇقتىرعان.
