شەرزات پولاتتىڭ اعاسى - نۇرقانات عايىپبايەۆتىڭ ولىمىنە بايلانىستى قوزعالعان قىلمىستىق ءىس توقتاتىلدى، دەپ جازادى Qamshy.kz اقپاراتتىق اگەنتتىگى. بۇل تۋرالى مارقۇمنىڭ وتباسىنىڭ ادۆوكاتى مەيىرمان شەكەيەۆ Instagram پاراقشاسىندا حابارلادى.
"نۇرقاناتتىڭ ءىسى توقتاتىلعان. الايدا ءبىز بولاشاقتا ءىستى قايتا جانداندىرۋ ءۇشىن ءوتىنىشحات تۇسىرەتىن بولامىز"، دەپ جازدى زاڭگەر.
ەسكە سالايىق، 2024 جىلدىڭ جەلتوقسان ايىنىڭ باسىندا نۇرقانات عايىپبايەۆتىڭ دەنەسى تالعار شەتىندە تۇرعان كولىكتەن تابىلعان ەدى. بۇل قايعىلى جاعداي كامەلەتكە تولماعان جيەنى شەرزاتتىڭ توبەلەس كەزىندە ولتىرىلگەنىنەن بىرنەشە اي وتكەن سوڭ بولعان. سول جانجال كەزىندە نۇرقاناتتىڭ ءوزى دە بىرنەشە جەرىنەن پىشاق جاراقاتىن العان.
الدىن الا نۇسقا بويىنشا، عايىپبايەۆ ءوزىن-وزى ولتىرگەن دەپ بولجانعان.
