قازاقستاندا سوتتالعاندارعا حيميالىق كاستراسيانى قولدانۋ ەرەجەسىنە وزگەرىستەر ەنگىزىلمەك. «اشىق نقا» پورتالىندا جاريالانعان بۇيرىق جوباسىنا سايكەس، قىلمىستىق جاۋاپكەرشىلىككە تارتىلعان پەدوفيلدەرگە حيميالىق كاستراسيا تۇرمەدەن شىعۋعا 6 اي قالعاندا تاعايىندالادى.
سونىمەن قاتار سوتتالعان ادامنىڭ پسيحيكالىق اۋىتقۋلارى مەن سەكسۋال زورلىققا بەيىمدىلىگىن انىقتاۋ ءۇشىن بوساتىلۋىنا ون ەكى اي قالعاندا سوت-پسيحياتريالىق ساراپتاما تاعايىنداۋ تۋرالى ماتەريالدار سوتقا جىبەرىلۋگە ءتيىس.
ەگەر ساراپتاما ءقاۋىپتىڭ بار ەكەنىن كورسەتسە، سوت حيميالىق كاستراسيانى تاعايىنداي الادى. بۇل شارا بوستاندىققا شىعۋعا التى اي قالعاندا قولدانىلۋى مۇمكىن. پروسەدۋرا ارنايى پرەپاراتتاردى ۇنەمى ەگۋ ارقىلى جۇرگىزىلەدى جانە تەك سوت شەشىمىمەن عانا جۇزەگە اسىرىلادى.
بۇيرىق جوباسى 18 تامىزعا دەيىن قوعامدىق تالقىلاۋعا شىعارىلعان.
ەسكە سالايىق، قازاقستاندا پەدوفيلدەرگە قولدانىلاتىن 8 جىلدىق اكىمشىلىك باقىلاۋدىڭ ورنىنا ءومىر بويعى باقىلاۋ ەنگىزۋ ۇسىنىلعان. ىشكى ىستەر ءمينيسترىنىڭ ورىنباسارى يگور لەپەحانىڭ ايتۋىنشا، رەسيديۆ ءقاۋپى بولسا، بۇل باقىلاۋ ءار التى اي سايىن سوت شەشىمىمەن ۇزارتىلىپ وتىرادى.
مۇنداي باقىلاۋ اياسىندا كەلەسى شەكتەۋلەر قاراستىرىلعان:
- مەكتەپتەر مەن بالالار مەكەمەلەرىنە بارۋعا تىيىم؛
- تۇنگى ۋاقىتتا ۇيدەن شىعۋعا شەكتەۋ؛
- باسقا دا شەكتەۋلەر.
