الماتى وبلىسىندا حۋتور بانداسىن باسقارادى دەلىنگەن حاسان قاسىمبايەۆقا قاتىستى قىلمىستىق ءىس بويىنشا تەرگەۋ اياقتالدى. بۇل تۋرالى الماتى وبلىسى پروكۋرورىنىڭ باسپا ءسوز قىزمەتى حابارلادى.
"الماتى وبلىسى پوليسيا دەپارتامەنتىنىڭ تەرگەۋ باسقارماسى ح.قاسىمبايەۆقا جانە باسقالارعا قاتىستى قىلمىستىق ءىس بويىنشا سوتقا دەيىنگى تەرگەۋدى اياقتاپ، اعىمداعى جىلدىڭ 21 شىلدەسىندە ايىپتاۋ اكتىسىمەن ءىستى وبلىستىق پروكۋراتۋراعا جولدادى. وبلىس پروكۋراتۋراسى 2025 جىلعى 29 شىلدەدە ايىپتاۋ اكتىسىن بەكىتتى جانە ءىستى ءمانى بويىنشا قاراۋ ءۇشىن تالعار اۋداندىق سوتىنا جىبەردى"، دەلىنگەن باسپا ءسوز حابارلاماسىندا.
پوليسيا دەرەگىنشە، حاسان قاسىمبايەۆتىڭ ۇستىنەن «ادام ۇرلاۋ»، «دەنساۋلىققا قاساقانا زيان كەلتىرۋ» جانە «بوپسالاۋ» باپتارى بويىنشا ءىس قوزعالعان.
