انۋاربەك بيماعامبەت «ماڭعىستاۋ مەديانىڭ» باسشىسى بولىپ تاعايىندالدى.

بۇگىن ماڭعىستاۋ وبلىسى اكىمىنىڭ ورىنباسارى اببات ورىسبايەۆ جاڭا باسشىنى ۇجىمعا تانىستىرىپ، قىزمەتىنە ساتتىلىك تىلەدى. 

انۋاربەك قوسىم ۇلى بيماعامبەت 1980 جىلى ماڭعىستاۋ اۋدانى، قوسبۇلاق اۋىلىندا تۋعان. ماڭعىستاۋ گۋمانيتارلىق-ەكونوميكا كوللەدجىن، اقتوبە مەملەكەتتىك پەداگوگيكا ينستيتۋتىن ءتامامداعان. «تVت» تەلەستۋدياسىندا، «ءۇش قيان» رەسپۋبليكالىق گازەتىندە مەنشىكتى ءتىلشى (1999 – 2002)، رەسپۋبليكالىق «حابار» اگەنتتىگى مەن «قازاقستان» ۇلتتىق تەلەارناسىنىڭ ماڭعىستاۋ وبلىسىنداعى مەنشىكتى ءتىلشىسى (2002 – 2005) بولعان. 2005 جىلدان ماڭعىستاۋ وبلىسى اكىمى باسپا ءسوز قىزمەتىنىڭ جەتەكشىسى، «شەرقالا»، «ءابىش الەمى» جۋرنالدارىنىڭ باس رەداكتورى بولدى. «قازاقستان» رترك ماڭعىستاۋ وبلىستىق فيليالىنىڭ ديرەكتورى، «AQTAU» تەلەارناسىنىڭ ديرەكتورى قىزمەتىن اتقارعان. 

2024 جىلدىڭ قاراشاسىنان بۇگىنگە دەيىن ماڭعىستاۋ وبلىسى اكىمى اپپاراتى باسشىسىنىڭ ورىنباسارى قىزمەتىن اتقاردى.

ول «جەتىمتوعاي جاپىراعى» جىر جيناعىنىڭ (2006) اۆتورى. «كاسپيي – دوستىق تەڭىزى» فەستيۆالىنىڭ، رەسپۋبليكالىق شوتان باتىرعا ارنالعان ءمۇشايرانىڭ جەڭىمپازى، رەسپۋبليكالىق «مەنىڭ اتىم – ماحامبەت» تەلەمۇشايراسىنىڭ جانە حالىقارالىق «شابىت» فەستيۆالىنىڭ لاۋرەاتى. «اقپارات سالاسىنىڭ ۇزدىگى» توسبەلگىسى جانە «قۇرمەت» وردەنىنىڭ يەگەرى.