ءساتجان ابلالييەۆ كولىك ۆيسە-مينيسترى قىزمەتىنەن بوساتىلدى. بۇل اقپاراتتى ۇكىمەتتىڭ باسپا ءسوز قىزمەتى راستادى.
تامىز ايىنىڭ باسىندا ۆيسە-مينيستر ءساتجان ابلالييەۆتىڭ پارا الىپ جاتقان جەردە ۇستالعانى تۋرالى اقپارات تاراعان. كەيىنىرەك ۇلتتىق قاۋىپسىزدىك كوميتەتىنىڭ (ۇقك) سىبايلاس جەمقورلىققا قارسى قىزمەتى ۆيسە-مينيستردىڭ ۇستالعانىن راستادى، ءبىراق ونىڭ ەسىمى ناقتى اتالمادى.
"ۇقك-نىڭ سىبايلاس جەمقورلىققا قارسى قىزمەتى پارا الدى دەگەن كۇدىكپەن كولىك ۆيسە-مينيسترىن ۇستادى جانە ول سوت سانكسياسىمەن قاماۋعا الىندى"، – دەلىنگەن ۆەدومستۆو حابارلاماسىندا.
قىزمەت پارا الۋ فاكتىسى بويىنشا جەدەل تۇسىرىلگەن بەينەماتەريالداردى جاريالادى. كادرلاردا قۇقىق قورعاۋ ورگاندارىنىڭ قىزمەتكەرلەرى شەنەۋنىكتى كوشەدە توقتاتىپ، كەيىن ونىڭ ۇيىندە ءتىنتۋ جۇرگىزىپ جاتقانى كورىنەدى. تەرگەۋ بارىسىندا ۆازادان قوماقتى كولەمدە قولما-قول اقشا تاركىلەنگەن.
