نيۋ-يوركتەگى وكرۋگتىك سوت الماتى اكىمدىگى مەن "بتا بانك" اق پايداسىنا شەشىم شىعارىپ، ءىلياس حراپۋنوۆتى سوتتى قۇرمەتتەمەۋ ايىبىمەن كىنالى دەپ تانىدى، دەپ حابارلايدى ادىلەت مينيسترلىگى.
2025 جىلعى 6 تامىزدا اقش-تىڭ نيۋ-يورك وڭتۇستىك وكرۋگى بويىنشا وكرۋگتىك سوتى جاۋاپكەر ءىلياس حراپۋنوۆتى سوتتى قۇرمەتتەمەۋ ايىبىمەن كىنالى دەپ تانىپ، تالاپكەرلەر – الماتى قالاسى اكىمدىگى مەن "بتا بانك" اق پايداسىنا شەشىم شىعاردى.
"بۇعان دەيىن قابىلدانعان $221،285.31 تولەۋ جونىندەگى مىندەتتەمەگە قوسا، فەدەرالدىق سۋديا دجون گ. كولتل حراپۋنوۆتىڭ ءوز اكتيۆتەرى تۋرالى تۇراقتى تۇردە ەسەپ بەرۋدى مىندەتتەگەن سوتتىڭ ناقتى ءارى ايقىن بۇيرىعىن بۇزعانىن انىقتادى. مۇنداي ەسەپتەردى ۇسىنۋ مىندەتى وعان بۇرىن سوتتى قۇرمەتتەمەۋ ايىبى بويىنشا كىنالى دەپ تانىلعاننان كەيىن جۇكتەلگەن بولاتىن"، - دەپ جازىلعان حابارلامادا.
جاڭا سوت شەشىمىنە سايكەس، ءىلياس حراپۋنوۆ ءوز اكتيۆتەرى جانە وعان قارسى شىعارىلعان سوت شەشىمدەرىن ورىنداۋ ءۇشىن اقشا الۋعا جاسالعان ارەكەتتەر تۋرالى تولىق مالىمەتتى تۇراقتى تۇردە ۇسىنۋعا مىندەتتى.
بۇل تالاپ ورىندالماعان جاعدايدا وعان قوسىمشا قارجىلىق سانكسيالار قولدانىلۋى مۇمكىن. سونداي-اق ءىلياس حراپۋنوۆ الماتى قالاسى مەن بتا بانككە سوتتى قۇرمەتتەمەۋى سالدارىنان كەلگەن شىعىندى وتەپ بەرۋگە ءتيىس.
