مەملەكەت باسشىسى قاسىم-جومارت توقايەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋىندا بەرگەن تاپسىرمالارىن ورىنداۋ اياسىندا الەۋمەتتىك سالا مەن ەڭبەك نارىعىن ساپالى ترانسفورماسيالاۋعا باعىتتالعان جۇيەلى جۇمىستار جۇرگىزىلۋدە.

ۇكىمەتتىڭ باستى نازارى جولداۋدىڭ نەگىزگى قاعيداتتارىن ءىس جۇزىنە اسىرۋعا باعىتتالعان. الەۋمەتتىك ادىلەتتىلىكتى قامتاماسىز ەتۋ شەڭبەرىندە مەملەكەتتىك قولداۋدىڭ پرواكتيۆتى جانە اتاۋلى مودەلىنە كوشۋ جۇزەگە اسىرىلىپ جاتىر، بارلىق ازاماتتار ءۇشىن تەڭ مۇمكىندىكتەرى بار ينكليۋزيۆتى ورتا قالىپتاستىرىلۋدا. ەكونوميكالىق وسۋگە جاردەمدەسۋ ماقساتىندا ناتيجەلى جۇمىسپەن قامتۋدى ىنتالاندىرۋ، كاسىپكەرلىك باستامالاردى قولداۋ جانە ساپالى جۇمىس ورىندارىن قۇرۋ جونىندەگى شارالار كەشەنى جۇزەگە اسىرىلۋدا. «زاڭ مەن ءتارتىپ» قاعيداتىن قامتاماسىز ەتۋ ازاماتتاردىڭ ەڭبەك قۇقىقتارىن قورعاۋدى كۇشەيتۋدە، ءقاۋىپسىز ەڭبەك جاعدايلارىن قامتاماسىز ەتۋدە جانە سىندارلى الەۋمەتتىك ارىپتەستىكتى دامىتۋدا كورىنىس تابادى.

مەملەكەت باسشىسىنىڭ جولداۋىندا جانە وزگە دە تاپسىرمالارىندا قويىلعان مىندەتتەردى جۇزەگە اسىرۋ بارىسى تۋرالى تولىعىراق Primeminister.kz سايتىنداعى شولۋدان وقىڭىز.

الەۋمەتتىك قولداۋدىڭ ترانسفورماسياسى: اتاۋلى باعىت، پرواكتيۆتىلىك جانە سيفرلاندىرۋ

مەملەكەت جىل سايىن شامامەن 4،5 ملن ادامدى تولەمدەرمەن قامتي وتىرىپ، ءوزىنىڭ الەۋمەتتىك مىندەتتەمەلەرىن ۋاقتىلى جانە تولىق كولەمدە ورىنداپ وتىر. بيىلعى 7 ايدا جوسپارلانعان 6 ترلن تەڭگەنىڭ 3،4 ترلن تەڭگەسى تولەندى. ونىڭ ىشىندە:

• 2،5 ملن زەينەتكەردىڭ 2،5 ترلن تەڭگە سوماسىندا زەينەتاقىسى؛

• جالپى سوماسى 382 ملرد تەڭگە بولاتىن 542 مىڭ ازاماتقا ارنالعان مۇگەدەكتىگى جونىندەگى جانە 195 مىڭ وتباسىعا ارنالعان اسىراۋشىسىن جوعالتقانىنا بايلانىستى جاردەماقى؛

• 613 مىڭنان استام كوپبالالى وتباسىعا جانە 243 مىڭ ماراپاتتالعان انالارعا ارنالعان 354،5 ملرد تەڭگە تولەمدەر؛

• 200 مىڭنان استام وتباسىعا ارنالعان بالا تۋۋىنا جانە بالا كۇتىمىنە قاتىستى بەرىلەتىن 61،8 ملرد تەڭگە جاردەماقى؛

• 102 ملرد تەڭگە كولەمىندە وزگەدەي دە تولەمدەر.

مەملەكەت باسشىسىنىڭ تاپسىرماسى بويىنشا الەۋمەتتىك قولداۋدىڭ اتاۋلى باعىتى كۇشەيتىلدى. نەگىزگى وزگەرىس ساناتتارعا ءبولۋ قاعيداتىنان ناقتى قاجەتتىلىك كريتەرييلەرىنە كوشۋ تۋرالى بولدى. ول ءۇشىن ءار وتباسىنىڭ ءال-اۋقاتىن وبەكتيۆتى باعالاۋعا مۇمكىندىك بەرەتىن سكورينگتىك مودەل جاسالدى. جاڭا تاسىلدەر ەندىگىسى شىمكەنت پەن قاراعاندى وبلىسىندا سىناقتان وتكىزىلۋدە.

«ءبىز مەملەكەتتىڭ الەۋمەتتىك مىندەتتەمەلەرىن قىسقارتپايمىز. اتالعان وزگەرىستەر زەينەتاقىعا، مۇگەدەكتىك بويىنشا، اسىراۋشىسىنان ايىرىلۋ بويىنشا جاردەماقىعا جانە رەسپۋبليكالىق بيۋدجەتتەن تولەنەتىن باسقا دا تولەمدەر سياقتى مەملەكەتتىك كەپىلدىكتەرگە ەش اسەر ەتپەيدى. ءبىز جەرگىلىكتى دەڭگەيدە كورسەتىلەتىن الەۋمەتتىك قولداۋدىڭ اتاۋلىلىعى مەن اشىقتىعىن كۇشەيتەمىز»، — دەپ ءتۇسىندىردى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.

اتاۋلى الەۋمەتتىك كومەكتى (ااك) تاعايىنداۋ كەزىندە ەندى مەديانالىق تابىس كورسەتكىشى قولدانىلادى، سونداي-اق وتباسىنىڭ كىرىستەرى عانا ەمەس، شىعىستارى دا ەسكەرىلەدى. ااك-كە وسى جەتى ايدا 18،6 ملرد تەڭگە تولەنگەن، ونى 48 مىڭ مۇقتاج وتباسى الدى. ەڭبەككە قابىلەتتى ازاماتتار ءۇشىن كومەك الەۋمەتتىك كەلىسىمشارت تالاپتارىندا كورسەتىلەدى: بيىل ونى الۋشى 8،3 مىڭ ادام وتباسىلىق تابىسىن ارتتىرۋ ءۇشىن جۇمىسقا ورنالاستىرىلدى.

اتاۋلى جانە بەلسەندى كومەكتىڭ تەحنولوگيالىق نەگىزى – «ءبىرىڭعاي سيفرلىق پلاتفورما جانە وتباسى كارتاسى». ونىڭ ماقساتى – بيۋروكراتيا مەن ادامي فاكتوردى بولدىرماۋ ءۇشىن الەۋمەتتىك كومەكتىڭ بارلىق تۇرلەرىنە ارنالعان ءبىرىڭعاي «ساندىق تەرەزە» قۇرۋ. پلاتفورما ءارتۇرلى مەملەكەتتىك جۇيەلەردەگى دەرەكتەردى تالدايدى جانە قاي وتباسىنىڭ قولداۋعا مۇقتاج ەكەنىن ءوز بەتىنشە انىقتايدى.

جۇيەگە بۇگىندە 128 وتباسىن قولداۋ ورتالىعىنىڭ قىزمەتى كىرىكتىرىلگەن، ال جۇمىسقا ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، پوليسيا جانە پروباسيا قىزمەتى سالالارىنان 32 مىڭنان استام ءموبيلدى توپ ماماندارى جۇمىلدىرىلعان. وسى سيفرلىق ەكوجۇيەنىڭ ارقاسىندا ومىرلىك قيىن جاعدايعا تاپ بولعان 4 مىڭ وتباسى ءقازىردىڭ وزىندە تولىق كەشەندى قولداۋعا يە بولىپ وتىر.