الماتىدا تاۋەلسىز بەلسەندى مەيىربولات بيشۋينوۆ ۇستالدى. وعان قاتىستى قىلمىستىق كودەكسىنىڭ 174-بابى بويىنشا قىلمىستىق ءىس قوزعالعان. بۇعان دەيىن ءجۋرناليستىڭ ءىز-تۇسسىز جوعالعانى حابارلانعان بولاتىن.

بەيرەسمي دەرەكتەردە كەشە قوعام بەلسەندىسى شۇكىر ابدۋللايەۆ پەن زاڭگەر اسىلبەك قارايەۆ ۇشەۋى بىرگە تالعار اكىمدىگىندە بولىپ، سول جەردىڭ قىزمەتكەرلەرىمەن سوزگە كەلىپ قالعانى ايتىلدى. 

بۇگىن ميربولات بيشۋينوۆتى بوساتۋدى تالاپ ەتكەن بەلسەندىلەر الماتى پوليسيا دەپورتامەنتىنىڭ الدىنا جينالدى. الماتى قالالىق پوليسيا دەپارتامەنتى تەرگەۋ باسقارماسى باستىعىنىڭ ورىنباسارى قايرات قاسىمبايەۆ ءجۋرناليستىڭ ۇستالۋ سەبەبىن بىلاي دەپ ءتۇسىندىردى: 

"بيشۋينوۆكە قاتىستى ق ر قىلمىستىق كودەكسىنىڭ 174-بابى بويىنشا قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلۋدە. ونىڭ قورعاۋشىسى بار. ەكى كۇن ىشىندە سوت بۇلتارتپاس جازانى تاعايىنداۋ جونىندە شەشىم قابىلدايدى". 

بۇعان دەيىن ءجۋرناليستىڭ اپكەسى ايگۇل بيشۋينوۆا باۋىرىن تاڭعا دەيىن ىزدەگەنىن ايتادى. ونىڭ سوزىنشە، مەيىربولات بيشۋينوۆ تالعاردان كەلە جاتقان كەزدە ۇستالعان.