ىشكى ىستەر مينيسترلىگى بۇگىننەن باستاپ ستالكينگ ءۇشىن قىلمىستىق جازانىڭ ەنگىزىلگەنىن ەسكەرتتى، دەپ حابارلايدى Polisia.kz پورتالى.
زاڭعا ەنگىزىلگەن تۇزەتۋلەرگە سايكەس، زورلىق-زومبىلىق قولدانىلماسا دا، ادامنىڭ پسيحولوگيالىق جاعدايىنا ەلەۋلى زيان كەلتىرەتىن ارەكەتتەر ستالكينگ رەتىندە قاراستىرىلادى. ولار:
- ايتارلىقتاي زيان كەلتىرىپ، ادامنىڭ جەكە شەكاراسىن بۇزۋ؛
- ەركىنەن تىس ىزىنە ءتۇسۋ؛
- قايتا-قايتا تەلەفون سوعۋ؛
- ينتەرنەت ارقىلى باقىلاۋمەن قورقىنىش نەمەسە الاڭداۋشىلىق سەزىمىن تۋدىرۋ.
بۇدان بىلاي، مۇنداي ارەكەتتەر ءۇشىن قىلمىستىق جازا قولدانىلادى. كودەكستە بىرنەشە جازا قاراستىرىلعان:
- 200 اەك-كە دەيىن ايىپپۇل (2025 جىلى 786 400 تەڭگە)؛
- 200 ساعاتقا دەيىن قوعامدىق نەمەسە تۇزەۋ جۇمىستارى؛
- 50 تاۋلىككە دەيىن قاماۋعا الۋ.
سونىمەن قاتار 16 قىركۇيەكتەن باستاپ قىلمىستىق كودەكسكە جاڭا 125-1-بابى "نەكەگە ماجبۇرلەۋ" ەنگىزىلدى. ەندى بۇل ارەكەت قىلمىستىق قۇقىقبۇزۋشىلىق رەتىندە تانىلادى.
