ەلەكتروندى ساۋدا الاڭىندا ۇقك-نىڭ بۇرىنعى ءتوراعاسى كارىم ماسىموۆكە تيەسىلى ەكى جادىگەر سۋىق قارۋ – قىلىش پەن پىشاق ساتىلدى، دەپ حابارلايدى Ulysmedia.kz.
16 قىركۇيەكتە قايتارىلعان اكتيۆتەردى باسقارۋ كومپانياسى سوتتالعان ەكس-شەنەۋنىكتىڭ مۇلكىنىڭ ءبىر بولىگىن ساۋداعا شىعاردى.
ەلەكتروندى ساۋدا الاڭىندا مىنا زاتتار ساتىلدى: ءتۇرلى ءتۇستى ەمالمەن جانە سۇيەك اشەكەيلەرىمەن كومكەرىلگەن قىنعا سالىنعان قىلىش. ونىڭ باستاپقى باعاسى – 453 مىڭ تەڭگە. سونداي-اق اعاش ساپتى، سارى مەتالدان جاسالعان قىنعا سالىنعان پىشاق 182 مىڭ تەڭگەگە باعالانعان. ساۋدا قورىتىندىسىندا قىلىش 385 286 تەڭگەگە، پىشاق 155 281 تەڭگەگە ساتىلدى.
بۇعان دەيىن ەلدە ماسىموۆتەن تاركىلەنگەن مۇلىكتەردىڭ ساتىلىپ جاتقانى حابارلانعان بولاتىن.
