قازاقستانداعى ورتاشا زەينەتاقى مولشەرى 35،7 مىڭ تەڭگە. ءبىراق 900 مىڭنان اسا تولەم الاتىندار دا بار. بجزق ەڭ جوعارى تولەماقى تۋرالى اقپارات جاريالادى.
بجزق مالىمەتىنشە، اي سايىنعى تولەمدەردىڭ ورتاشا مولشەرى 2025 جىلعى 1 تامىزداعى جاعداي بويىنشا، بار بولعانى 35،7 مىڭ تەڭگە بولادى. الايدا ەڭ جوعارعى سوما شەكتەلمەگەن جانە جەكەلەگەن ازاماتتاردا 900 مىڭ تەڭگەدەن اسادى.
بجزق دەرەكتەرىنە سايكەس، 2025 جىلعى 1 قىركۇيەكتەگى جاعداي بويىنشا جاسى بويىنشا ەڭ جوعارى زەينەتاقى تولەمدەرى:
- 993 041 تەڭگە؛
- 818 818 تەڭگە؛
- 635 236 تەڭگە؛
- 565 857 تەڭگە؛
- 560 437 تەڭگە.
ساراپشىلاردىڭ ايتۋىنشا، مۇنداي جوعارى سومانىڭ قالىپتاسۋىنا بىرنەشە فاكتور اسەر ەتەدى: سالىمشىنىڭ تابىس دەڭگەيى، بارلىق تابىس تۇرلەرىنەن اۋدارىمداردىڭ تولىقتىعى مەن تۇراقتىلىعى.
جيناقتاۋشى زەينەتاقى جۇيەسى ازاماتتارعا ءوز كاپيتالىن ءوز بەتىنشە باسقارۋعا مۇمكىندىك بەرەدى: مىندەتتى 10 پايىزدىق جارنالار جەتكىلىكسىز بولعان جاعدايدا، ازاماتتار ونى ەرىكتى زەينەتاقى جارنالارىمەن تولىقتىرا الادى.
