تۇركىستان وبلىسىنىڭ شاردارا اۋدانىنداعى قوسسەيىت اۋىلىندا ءوز بالاسى ۇرىپ-سوققان اقساقالدىڭ دەنەسى قارا جەر قوينىنان قايتا قازىلىپ الىندى، دەپ حابارلايدى كتك ارناسى. 

مايىتكە سوت-مەديسينالىق ساراپتاما جاسالىپ، قاريانىڭ ناقتى نەدەن كوز جۇمعانى انىقتالماق. قازىرگى ۋاقىتتا سوت-مەديسينالىق ساراپتاما جاسالىپ، ناتيجەسى الداعى ۋاقىتتا شىقپاق ەگەر قاريانىڭ ءولىمى ۇلى مەن كەلىنىنىڭ ارەكەتىنەن بولعانى دالەلدەنسە، كۇدىكتىلەردىڭ جاۋاپكەرشىلىگى اۋىرلاي تۇسپەك.

– تۋىستارى دەر كەزىندە حابارلاماعاندىقتان، مەديسينالىق قىزمەتكەرلەر تاراپىنان قايتىس بولۋ تۋرالى انىقتاما بەرىلمەگەن. ءقازىر مايىتكە ەكسگۋماسيا جاسالىپ، ساراپتاما جۇرگىزىلىپ جاتىر. قورىتىندىسى شىققان سوڭ قوسىمشا مالىمەت ۇسىنىلادى، - دەلىنگەن دەنساۋلىق ساقتاۋ باسقارماسى ۇسىنعان اقپاراتتا.

ەسكە سالساق، شاردارا اۋدانىندا 40 جاستان اسقان اسابا ازامات تۋعان اكەسىنە كۇن كورسەتپەي، سوققىنىڭ استىنا الىپ كەلگەنى بەلگىلى بولدى. ءجابىر كورگەن قاريا كەيىن كوز جۇمدى.

كۇدىكتى ۇلى ۇستالىپ، ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا ول سوت سانكسياسىمەن قاماۋدا وتىر.