رەسەي مەن قازاقستان رەسپۋبليكاداعى اتوم ەلەكتر ستانسياسى قۇرىلىسىنىڭ تەحنيكالىق، قارجىلىق جانە قۇقىقتىق پارامەترلەرىن تالقىلاپ جاتىر، دەپ حابارلادى رەسەيدىڭ سىرتقى ىستەر ءمينيسترى سەرگەي لاۆروۆ.
"قازىرگى ۋاقىتتا ءتيىستى ۆەدومستۆولار تەحنيكالىق جانە قارجىلىق پارامەترلەردى، سونداي-اق زاڭ اياسىنداعى ماسەلەلەردى پىسىقتاپ جاتىر"، - دەدى لاۆروۆ قازاقستاننىڭ سىرتقى ىستەر ءمينيسترى ەرمەك كوشەربايەۆپەن كەلىسسوزدەردىڭ قورىتىندىسى بويىنشا.
لاۆروۆ كوشەربايەۆقا رەسەيدىڭ وسى باعىتتاعى بارلىق مىندەتتەمەنى ادال، ۋاقتىلى جانە تولىق ورىنداۋعا دايىن ەكەنىن راستاعانىن جەتكىزدى.
سونىمەن قاتار لاۆروۆ كەلىسسوزدەر بارىسىندا ارىپتەسىن ۋكرايناداعى جانە ونىڭ اينالاسىنداعى سوڭعى وقيعالار تۋرالى حاباردار ەتكەنىن مالىمدەدى.
"ءبىز دوستارىمىزدى ۋكرايناداعى جانە ونىڭ اينالاسىنداعى سوڭعى وقيعالار تۋرالى حاباردار ەتتىك. قازاقستاندىق دوستارىمىزدىڭ ءبىزدىڭ ۇستانىمىمىزدى تۇسىنگەنىن باعالايمىز. اسىرەسە، باتىس ەلدەرى رەسەيدىڭ زاڭدى قاۋىپسىزدىك مۇددەلەرىنە نۇقسان كەلتىرۋ ءۇشىن ۋكراينانى پايدالانۋ نيەتىمەن كوپ جىلدار بويى جاساپ كەلە جاتقان وسى قاقتىعىستىڭ تۇپكى سەبەپتەرىن جويمايىنشا قاقتىعىستى رەتتەۋ مۇمكىن ەمەس ەكەنىن تۇسىنەتىندەرىن باعالايمىز"، - دەدى لاۆروۆ.
ەكى ەلدىڭ سىرتقى ىستەر مينيسترلەرى رەسەي فەدەراسياسى مەن قازاقستان رەسپۋبليكاسى اراسىنداعى ديپلوماتيالىق قارىم-قاتىناستىڭ ورناعانىنا 33 جىل تولۋىنا وراي كەزدەسىپ جاتىر.
