بۇۇ قاۋىپسىزدىك كەڭەسى يراندا سوڭعى اپتالاردا بولعان قاندى نارازىلىقتارعا بايلانىستى شۇعىل وتىرىس وتكىزدى. جيىن اقش-تىڭ باستاماسىمەن شاقىرىلدى.
يراننىڭ بۇۇ-داعى وكىلى گولامحوسەين دارزي ەلىنىڭ قاقتىعىسقا ۇمتىلمايتىنىن، ءبىراق اقش تاراپىنان كەز كەلگەن اگرەسسيا بولسا، يراننىڭ جاۋاپ بەرەتىنىن مالىمدەدى. ول ۆاشينگتوندى يرانداعى تارتىپسىزدىكتەردى قوزدىرۋعا قاتىسى بار دەپ ايىپتادى.
اقش وكىلى مايك ۋولس يران بيلىگىنىڭ نارازىلىقتارعا قاتىگەزدىكپەن جاۋاپ بەرىپ جاتقانىن ايتىپ، ينتەرنەتتىڭ ءوشىرىلۋى جاعدايدىڭ ناقتى اۋقىمىن انىقتاۋعا كەدەرگى كەلتىرىپ وتىرعانىن جەتكىزدى.
بۇۇ وكىلى مارتا پوبيي نارازىلىقتار 2025 جىلدىڭ جەلتوقسانىندا ەكونوميكالىق داعدارىس سالدارىنان باستالىپ، بۇكىل ەلدى قامتىعانىن ايتتى. ادام قۇقىقتارىن قورعاۋشىلار 18 مىڭنان استام ادام ۇستالعانىن حابارلاعان، ءبىراق بۇل دەرەكتەر ءالى راستالماعان.
يران بيلىگى نارازىلىققا قاتىسۋشىلاردى ءولىم جازاسىنا كەسۋ جوسپارى بار دەگەن اقپاراتتى جوققا شىعاردى.
وتىرىس بارىسىندا يراندىق ازاماتتىق قوعام وكىلدەرى دە ءسوز سويلەپ، حالىقارالىق قاۋىمداستىقتى يرانداعى قانتوگىسكە جاۋاپتىلاردى جاۋاپقا تارتۋعا شاقىردى.
