ۆەنەسۋەلانىڭ وپپوزيسيا جەتەكشىسى، نوبەل بەيبىتشىلىك سىيلىعىنىڭ لاۋرەاتى ماريا كورينا ماچادو اقش پرەزيدەنتى دونالد ترامپپەن اق ۇيدە كەزدەسىپ، وزىنە بەرىلگەن نوبەل مەدالىن وعان تابىس ەتتى.
ول بۇل قادامدى ترامپتىڭ ۆەنەسۋەلاداعى بوستاندىق پەن دەموكراتيانى قولداۋعا قوسقان ۇلەسىن مويىنداۋ رەتىندە ءتۇسىندىردى.
كەزدەسۋ اقش كۇشتەرى ۆەنەسۋەلا پرەزيدەنتى نيكولاس مادۋرونى تۇتقىنداپ، وعان ەسىرتكى ساۋداسىنا قاتىستى ايىپ تاققاننان كەيىن ءوتتى. ترامپ بۇل سىيدى «ءوزارا قۇرمەتتىڭ سيمۆولى» دەپ اتاپ، ماچادونى «ەركىندىك ءۇشىن كۇرەسكەن باتىل تۇلعا» دەپ باعالادى.
سوعان قاراماستان، اقش پرەزيدەنتى ماچادونى ۆەنەسۋەلانىڭ جاڭا كوشباسشىسى رەتىندە رەسمي تۇردە قولداعان جوق. نوبەل كوميتەتى بولسا، سىيلىقتىڭ اتاعى مەن مارتەبەسى باسقا ادامعا بەرىلمەيتىنىن، تەك مەدال يەسى عانا وزگەرۋى مۇمكىن ەكەنىن مالىمدەدى
