2016 jyly  álem qazaqtary men Qazaqstan úishin eleýli oqıǵalarǵa toly bolmaq.  Bıyl el kóleminde atalyp ótip jatqan Qazaqstan Respýblıkasynyń 25 jyldyǵy, Álıhan Bókeıhan atamyzdyń 150 jyldyǵy men Alash ardaqtysy Zýqa batyr Sábıtuly mereıtoıynyń qatar kelýn erekshe atap ótý kerek. Osy oqıǵaǵa oraı álemniń 11 elinde 50-den astam úlken sharalar ótedi dep josparlanǵan bolatyn. Sonyń alǵashqylarynyń biri Eýropa tórinde – Avstrıada atalyp ótti, - dep habarlaıdy «Qamshy» portaly.

Sáýidiń 16-si Aýstrıanyń astanasy Vena qalasyndaǵy Qazaqstan elshiliginde, Qazaqstan úkimetiniń , Qazaqstannyń Venadaǵy elshisi, Halyqaralyq uıymdar janyndaǵy túraqty ókili Qaırat Sarybaıdyń belsendi túrde atsalysýymen «Zýqa batyr Sábıtulynyi 150 jyldyq mereıtoıy» resmı túrde bastaldy. Toıǵa Qazaqstannyń elshilik qyzmetkerleri, Eýropadaǵy qazaq dıaspara ókilderi, Venadaǵy halyqaralyq uıymdar ókilderi, Vena qalasyndaǵy oqyp jatqan qazaq jastary, jegilikti tuǵyndar men batyr ata urpaqtary  qatysty.

Elshi Qaırat Sarybaı myrza toıǵa jınalǵan qaýymdy Táýelsizdiktiń 25 jyldyǵymen jáne Zýqa batyr Sábıtulynyń 150 jyldyq mereıtoıymen quttyqtap sóz sóıledi. Táýelsizdiktiń tátti jemisterin tilge tıek etip, prezıdentimiz Nursultan Ábishulynyń «Máńgilik el» ıdeasynyń túıinin tarqatty.

Qaırat Sarybaı: «Baılyǵymyz da, baqytymyz da bolǵan Máńgilik Táýelsizdigimizdi kózdiń qarashyǵyndaı saqtaı bilýimiz kerek. «Máńgilik El» - ol Zýqa batyrdyń da armany boldy. Týǵan eliniń erkindigi úshin kúresti jáne janyn berdi. Bıyl Zýqa batyrdyń 150 jyldyǵy atalyp ótilýde. Osy sıaqty is-sharalarymyz arqyly halqymyz qaharmandaryn árdaıym esterinde saqtaıdy jáne jas urpaqqa ónege bolady» - dedi.

Mereıtoıda Zýqa batyr Sábıtulynyń 150 jyldyq mereıtoıyn uıymdastyrý alqysynyń tóraǵasy, azattyq radıosynyń burynǵy tilshisi, qoǵam qaıratkeri Ómirhan Altyn, Aýstrıadaǵy qazaq mádenı ortalyǵynyń jetekshisi Qyzyrhan Sholpan, Dúnıejúzi Qazaqtarynyń Qaýymdastyǵynyń burynǵy tóralqa múshesi Ábdirahman Shetin, Talǵat Kókbulaq qatarly azamattar sóz alyp, quttyqtady.

Esterińizge sala keteıik, Zýqa batyr Sábıtuly 1866 jyly qazirgi Semeı óńirinde týylyp, 1929 jyly qytaı úkimeti tarapynan qastandyqqa ushyraǵan Alash Ordashylardyń alǵashqy qurbandyqtarynyń biri bolatyn. Sol kezdegi qytaı úkimeti Zýqanyń basyn Altaı qalasyndaǵy Qara kópirge 14 kún ilip qoıyp, elge ses kórsetti. Ulttyq máseleniń ýshyǵýymen 1930 jyly Zýqanyń izin basqan Ospan Silámuly, Ákbar Seıt qtarlylar bastaǵan ult azattyq kóterilisi buryq ete tústi. Qazaqtyń ardager uly Zýqa ádilettiń aq jolymen júrip, elin qorǵady, asharshylyq pen keńestik totolıtarlyq bılikten qashqandarǵa pana boldy. Dinı tárbıe taratty ári sol óz tóńiregine jınalǵan qalyń elin qorǵaý úshin áskerı qosyn ustap,  sol kezdegi qytaı jáne aq patsha áserleriniń shabýylyn áldeneshe ret toıtardy. Úkimettik kúshterdi ryqsyz kúıge túsirdi. Zýqa áskerleriniń quramynda orys, tatar, noǵaı, monǵul, uıǵur, dúngen qatarly týysqan últ ókilderi de kóp boldy. Mine  bul Zýqanyń batyr atanýyna negiz bolyp, halyqtyń baǵyna týǵan tulǵa eknin kórsetti. Qazir Zýqa batyr týraly 10 nan astam kitap jaryqqa shyǵyp, kóptegen estelikter jazyldy.

Marqumnyń topyraǵy torqa bolsyn!

Ahmetuly Beısen