Qazaqstan Bas prokýratýrasynyń málimetteri boıynsha, jalpy alǵanda 200-den astam qazaqstandyq Islam memleketi jaýyngerleri (DAISH) jaǵynda soǵysyp jatyr. Bul týraly elimizdiń Ulttyq qaýipsizdik komıteti málimdep otyr, - dep habarlaıdy "Qamshy" portaly.

«Qazaqstan azamattarynyń halyqaralyq lańkestik uıymdardyń jaǵynda urys qımyldaryna otbasy múshelerimen  qatysyp jatqan  200-den astam adam sany belgili» dep jaýap bergen UQK informburo.kz saýalyna.

Sonymen qatar, Komıtet 2016 jyldyń naýryz aıynda eldiń joǵarǵy basshylyǵyna qoqan-loqqy kórsetip, qazaqstandyqtarǵa vıdeojoldaý jasaǵan adamdardyń jeke basyna qatysty málimetterdi anyqtaý múmkin ekendigin habarlaǵan.

«2016 jyldyń naýryz aıynda Internette beınerolık taraǵanyn habarlaǵan bolatynbyz. Rolıktegi birinshi er adam QR azamaty Maýlenov Marat Amangeldiuly 1971 jyly Ońtústik Qazaqstan oblysynda týǵan. Sodyrlar  lagerine 2015 jyldyń tamyzynda jubaıy men 6 balasyn alyp ketken. Ekinshisi 1981 jyly týǵan Reseı azamaty Jumabekov Rınat Qadyrjanuly. Ol da DAISH múshesi bolyp tabylady» , - dep habarlaıdy UQK.

Sondaı-aq vıdeoda kóringen eki azamattyń jeke basy anyqtalǵan. Olar Maýlenovtyń uldary Nurdáýlet Amangeldi (1993 jyly týǵan) jáne Álı Amangeldi (2010 jyly týǵan)

«Joǵarydaǵy qylmystyq isti tergeýde Qazaqstan azamattaryna halyqaralyq qoldanystaǵy zańnamaǵa sáıkes is qozǵaldy. Jarıalanǵan tizim boıynsha Qazaqtan azamattaryn elge qaıtarý máselesi qaralatyn bolady», - delingen UQK málimdemesinde.

Esterińizge salsaq, buǵan deıin Ońtústik Qazaqstan oblysy, Qazyǵurt aýdanynan bútin bir otbasynyń Sırıaǵa attanyp ketkenin jazǵan bolatynbyz.